家下食嘢都要講gimmick，如果唔係邊得嚟咁易吸引到客仔？你估真係單憑好味就夠咩？搵食艱難，係要搞啲花樣嘅，特別係較為傳統嘅食物，更加要增添新意思吸引老中青幼。

仲記唔記得前排香港周街都係棉花糖？棉花糖軟綿綿大大嚿好似雲咁真係可愛又吸睛，所以唔少甜品點都紛紛推出棉花糖雪糕乜乜乜、棉花糖熱飲乜乜乜、棉花糖布丁乜乜乜……以為呢股熱潮都係時候退啦，估唔到韓國有間餐廳又有新嘅棉花糖乜乜乜食品，不過今次嘅組合唔係「甜x甜」，而係「甜x咸」嘅棉花糖炸醬麵！