仲記得細個冇咩娛樂，小小事都可以玩一大餐，以前啲小朋友最鍾意就係儲卡儲貼紙，仲要搵個盒搵本簿，珍而重之地將呢啲「寶物」收埋佢，得閒無事拎出嚟睇沾沾吓，又或者拎去向朋友仔曬馬！當得到珍貴嘅卡時，其實小朋友豔羨嘅眼光，真係頓時錯以為自己變咗Lion King，何其威風！

嗰時好多零食商都捉到小朋友路，紛紛推出附閃卡或者小玩具嘅零食，搞到個個小朋友都破晒產！不過今時唔同往日，人大咗，仲邊會咁易畀啲陰招昆到，除非你攝張女優寫真入去啫！但原來……除咗女優寫真外，仲有一款寫真會攻破人類防線……究竟主角係何方神聖呢？答案就喺呢盒嘢裡面。

呢盒固力果奶油捲心餅睇落平平無奇，但你見唔見佢左下角有個活動標示？見到呢個標示，即係代表入面有啲嘢！（朱古力味都有）