飲完咖啡、啤酒、碳酸飲品後即刻刷牙
好多人都以為食完嘢飲完嘢即刻刷牙就可以維持牙齒健康，但如果係咖啡又或者汽水呢啲刺激性飲品，就唔好一飲完就即刻刷牙，最好都係隔一段時間再刷牙，因為刺激性飲品嘅成份會令牙齒變軟，如果立即刷牙反而容易刺激牙齒。

咬冰粒
唔少人天氣熱時都會食吓冰粒降吓溫，但冰粒本來就容易刺激牙齒，加上大力咬冰粒呢個動作可能會令敏感牙齒斷裂。

食溫差大嘅食物
冷熱食物交替咁食唔單只容易令腸胃唔舒服，仲會一直刺激牙齒，牙齒就會愈嚟愈敏感。

大力刷牙
好多人誤以為刷牙要大大力先夠乾淨，但其實力道過大好容易傷到牙齦，嚴重嘅仲有機會導致甩牙危機。

用牙籤撩牙
如果撩牙時方向唔啱，牙籤一樣容易令牙齦受傷。

吸煙
吸煙唔只會令牙齒容易變黃，仲好容易引起牙周病等問題。