{ SKIP }
文:MenClub Mean娜  圖:互聯網
POSTED ON 08 Feb 2018

話就話「牙痛慘過大病」,但似乎好多人都唔會特別關注牙齒健康問題。其實除咗食得多甜嘢同唔刷牙之外,仲有好多生活習慣會影響牙齒健康,你又知唔知自己中咗幾多?


咬指甲
咬指甲唔單只唔衛生,仲好易破壞牙齒琺瑯質。

飲完咖啡、啤酒、碳酸飲品後即刻刷牙
好多人都以為食完嘢飲完嘢即刻刷牙就可以維持牙齒健康,但如果係咖啡又或者汽水呢啲刺激性飲品,就唔好一飲完就即刻刷牙,最好都係隔一段時間再刷牙,因為刺激性飲品嘅成份會令牙齒變軟,如果立即刷牙反而容易刺激牙齒。

咬冰粒
唔少人天氣熱時都會食吓冰粒降吓溫,但冰粒本來就容易刺激牙齒,加上大力咬冰粒呢個動作可能會令敏感牙齒斷裂。

食溫差大嘅食物
冷熱食物交替咁食唔單只容易令腸胃唔舒服,仲會一直刺激牙齒,牙齒就會愈嚟愈敏感。

大力刷牙
好多人誤以為刷牙要大大力先夠乾淨,但其實力道過大好容易傷到牙齦,嚴重嘅仲有機會導致甩牙危機。

用牙籤撩牙
如果撩牙時方向唔啱,牙籤一樣容易令牙齦受傷。

吸煙
吸煙唔只會令牙齒容易變黃,仲好容易引起牙周病等問題。

據《Wall Stree Journal》報導,北韓早前拒絕由中國提供嘅300萬劑科興疫苗,原因唔係嫌科興冇用、亦唔係嫌自己被列為「發展中國家」,而係好大口氣咁話「我唔需要,拎去畀其他更有需要嘅國家啦!」 北韓領導人 ...
healthandfitness
【大愛】北韓拒絕中國300萬劑科興 「我用唔著,拎去畀其他人用」
02 Sep 2021
相信飽受過智慧牙折磨嘅朋友,都會有一刻懷疑過隻牙除咗用嚟剝就冇其他用途,仲要冇端端洗幾千蚊搵牙醫。不過最近美國賓夕凡尼亞大學一份研究指出,剝過智慧牙嘅人對甜、鹹、酸、苦分辨能力更高,從而改善味覺。 ...
healthandfitness
【人體奧妙】美國研究發現剝智慧牙可以改善味覺 女性效果更顯著
07 Jul 2021