{ SKIP }
文:MenClub 魏文青  
POSTED ON 07 Sep 2020

經過呢大半年,相信大家都慣咗出街會戴口罩嘅好習慣,亦明白戴口罩對防疫工作嘅重要性。但有時喺條街到都會見到人唔戴口罩,或者求其掛上塊面到就算,外國甚至有大型嘅「反口罩遊行」。當然每個人都有佢嘅理由,例如可能真係好焗好熱、可能身體唔容許,但根據多個研究,唔肯戴口罩嘅原因,有可能係因為佢哋有「反社會人格」。

巴西隆德里納大學 (Universidade Estadual de Londrina) 教授Fabiano Koich Miguel及其團隊早前做咗個簡單研究,搵黎近1,600名巴西成年人,並問佢哋「是否認為戴口罩 / 保持社交距離 / 常洗手是有需要的?」,然後再叫佢哋去做幾個人格測試,再按佢嘅嘅性格特徵 ,分成「同情組」及「反社會組」,結果發現「反社會組」嘅人更傾向拒絕跟隨戴口罩、保持社交距離等措施。

據研究團隊表示,反社會人格會比較自私、亦會忽略其他人嘅感受,同時佢哋亦傾向睇底疫情嘅嚴重性,於是就更不願意跟隨防疫措施。此結論與早前波蘭兩間大學所做嘅研究結果一致,而值得留意嘅係,其一個波蘭大學嘅實驗亦發現,反社會人格人士更傾向於囤積物資,因為佢哋更為自戀、自我中心而缺乏同情心,令佢哋覺得自己應該享受比別人多嘅嘢。

但必須要留意嘅係,以上研究只係發現到「反社會人格人士更傾向於唔戴口罩」,而唔係話「唔肯戴口罩就一定係反社會人格」,亦唔係話「肯戴口罩嘅就一定唔係反社會人格」,最重要嘅係就算有反社會人格都唔代表一定就係電影入面嘅連環殺人魔——即係《Sherlock》入面個Sherlock都係High-Functioning Sociopath,佢都冇殺人呀!

資料來源:Dailymail

雖然可口可樂一直堅稱紅色可樂與黑色可樂嘅味道係一模一樣,但作為一個飲咗紅色可樂接近三十年嘅人,我一直都好有自信自己能夠「盲試」出兩者嘅分別。直到上年我真係同朋友打賭,然後輸咗五舊水,我就開始懷疑自己係 ...
healthandfitness
【可樂】人體點分紅可樂與黑可樂? 研究指唔係靠條脷係靠條腸
20 Jan 2022
講起對抗疫情,絕大部方法都係令人唔開心嘅戴口罩啦、戴兩個口罩啦、六點後唔畀堂食但係可以返工啦、去被人撩鼻啦、打一針、打兩針、打三針啦,有邊樣嘢大家真係享受做架?但根據美國一個研究發現,原來有啲開心嘢可 ...
healthandfitness
【研究】美國研究指大麻素能助人體抵抗冠狀病毒
17 Jan 2022