講起「自慰」與「熱線」，相信唔少男士都會諗起某個「173」開頭、每六秒要收一秒嘅「神秘電話」。不過今日要介紹嘅呢條「男性自慰諮詢熱線」，就唔係「173」開頭、更加唔需要收錢，而係由外國著名性用品生產商Arcwave推出，希望鼓勵男士發掘關於自慰話題而設。

據Arcwave「性賦權主管」Johanna Rief指，雖然目前「自慰」呢個話題，對於不論男女、不論國家與文化而言都依然係禁忌所在，但近年因為女權運動興起，所以大眾更願意去討論「女性自慰」對健康嘅好處等話題，反觀男性自慰嘅討論度就非常不足。所以Arcwave開設全球自慰諮詢熱線，就係希望男性都可以去探討自慰對於自身健康嘅益處。

例如Arcwave引述性學專家及教練 Sara Tang指：「自慰可以促進更好的睡眠，減輕疼痛，降低血壓及增強免疫系統。它亦是一種很好的情緒增強劑，因為性高潮會令體內釋放出一種令人感覺良好的神經化學物質，它還有助於舒緩壓力及焦慮感。」佢特別提到近年疫情令男性心理健康水平受較大影響，熱線能夠協助男性以匿名方式發掘相關嘅新資訊，支持男性將自慰視為自然、健康嘅尋找愉悅感及改善心理健康方式。

實際應用黎講，香港男士只要致電58016768，就會透過選單得知自慰對健康嘅好處、不同自慰方法嘅貼士、如果分辨好與壞嘅自慰習慣、自慰與性愛嘅分別、產品推介等，亦可以留言以得到當地專家協助。值得一提嘅係，香港區熱線目前都只係得英文語音。