做愛做的事，本來係情侶夫妻之間最親蜜、最開心嘅互動，但香港人生活繁忙、日夜顛倒，連帶床上生活都大受影響，甚至出現明明興致勃勃，但身體卻唔「勃」嘅情況。究竟點先可以同伴侶享受一場滿足嘅性愛？耐久度、大小又係唔係滿足另一半嘅必要條件？

無可否認，絕大部男士嘅性知識都係來自多年黎睇AV「自學」，但你需要知道，作為一個娛樂產品，AV對於性嘅描述好多時都過於誇張。特別係對於男優們下體大小及性愛耐久度嘅描述，往往都屬於超現實嘅範圍，所以你搵自己同佢哋比，基本上就係質疑自己點解唔可以好似Tom Cruise咁60歲都仲揸戰鬥機飛上天。

實事求事地講，美國著名性學家Masters & Johnson曾於性學經典著作《Human Sexual Response》中，指出女性陰道嘅平均深度，其實只有2.75吋至3.25吋 (即約7-8.5cm)，即便陰道於興奮時會有彈性地伸長至4.25吋至4.75吋 (即約10.5-12cm)，數字上黎講亦唔係一般男士「難以填補」嘅距離。更重要嘅係，大部份令女性產生快感嘅神經，都係集中於陰道前端大約三份一嘅位置，例如著名嘅G點、外露嘅陰蒂等，其實都喺「觸手可及」嘅範圍，所以男士陰莖嘅長度，並不一定與女性嘅滿足感掛勾。¹

另外一個AV經常誤導大家嘅，就係一場性愛究竟要持續幾耐。AV中嘅一場性愛，就算只計真正「活動」嘅時間，往往都長達30分鐘甚至接近一小時。但正如冇一個男人可以完整咁睇哂成套AV，現實中嘅女性其實亦唔需要咁長時間嘅刺激。根據2008年加拿大嘅一個研究，女性們認為最理想嘅性愛時長為7至13分鐘，甚至3到7分鐘都已經算係「足夠」；而10至30分鐘就已經被視為「太耐」。就算加埋前戲等「非活動」時間，其實男士能夠保持勃起狀態大約30分鐘左右，就已經非常足夠。²

事實上，要有一場令雙方都滿足嘅性愛，重點並不在於男性下體嘅大小及耐久度。對於女性而言，有浪漫嘅氣氛、充足嘅前戲，以及從過程中感受到你對佢嘅愛，可能先係令佢更加滿足嘅要點。即便男士們想滿足對方嘅身體，比起陰莖大小及耐久度，更重要嘅其實係陰莖勃起後嘅硬度。想像一下你背脊被蚊咬，而你想止痕，你會選擇軟弱無力咁R半個鐘，定狠狠地R幾下？

都市人生活急促、壓力山大，的確導致唔少男士都患有簡稱「ED」嘅勃起功能障礙³，簡單而言就係無辦法於性愛時維持勃起狀態，成為與伴侶享有滿足性愛嘅阻礙⁴。而解決嘅最佳方法，就係尋求醫生及藥物協助以提升性行為表現。而患者選擇藥物時，亦應該著眼於提升硬度，而非耐久度之上。除咗因為硬度先係主宰女性滿足感嘅主因，亦因為標榜持久嘅藥物，相對而言需更長時間先可以排出體外，副作用亦相對較多。假如你真係面對類似問題，就應該要儘快尋求醫生協助，又或瀏覽網站 https://bit.ly/3Pr8i2h 啦。

PM-VIA-22-122001

資料來源：

1. Lawrence AA. Transexual Women’s Resources Archive 2003. Available at: https://bit.ly/3C0ciRN. Accessed on: 23^rd December, 2022.
2. Corty EW and Guardiani JM. J Sex Med 2008; 5(5): 1251-1256.
3. Kessler A, Sollie S, Challacombe B, et al. BJU International 2019; 124(4): 587-599.
4. ED. Johns Hopkins Medicine. Available at: https://bit.ly/3WAtXaz. Accessed on: 21^st December, 2022.