【認真mode！】雲爺爺承諾今夏一定會搵大牌球員

文：MenClub Mr.波特　　圖：互聯網
POSTED ON 01 Jun 2017


阿仙奴雖然喺聯賽以第5位收爐，近20年黎首次失去歐聯參賽資格，但係佢地喺足總盃卻有點意外咁擊敗左聯賽冠軍嘅車路士，近4年第3次奪得足總盃。就喺成功收下足總盃冠軍後，阿仙奴決定給領隊雲加開出一份兩年期嘅續約合同，而雲加當然唔會拒絕已經即時完成續約。

就係咁，雲加將會至少可以執教阿仙奴至2019年夏天。對於呢個消息，阿仙奴球迷有人歡喜有人愁，有人覺得雲加仍然有能力為阿仙奴帶黎錦標，而家黎換領隊好可能會一沉不起。不過，亦有球迷覺得雲加已經技窮，佢唔會再有能力帶領球隊奪得英超聯賽冠軍，所以球隊應該嘗試改革，而唔係繼績重蹈覆轍。

當然，雲加簽得呢份新合同，佢都知道自己將會面對有史以黎最大嘅壓力，球迷們一定會睇實佢嘅每個決定，稍有唔妥當勢必會群起對其大肆批評。深明宜家係許勝不許敗境地嘅雲加，喺簽約後出來接受訪問，直言自己與球隊理念一致，並且獲得球隊管理層支持，今夏勢必全力增兵。

雲加認為，目前球隊實力其實已經很強，但係佢都必定會盡力去尋找市場上最頂級嘅球員，盡力遊說佢地加入阿仙奴。雲加強調自己講嘅頂級球員唔係個啲未成年嘅球員，而真係已經證明自己喺足壇入面最頂級嘅球員。

對於雲加黎講，阿仙奴來季因為失去歐聯資格，所以對於頂級球星嘅吸引力絕對會大打折扣，不過雲加自言因為今季佢地喺面對英超列強亦一啲都唔輸洩，所以認為頂級球星都會有興趣到阿仙奴踢波的。

相信今次阿雲爺爺所講話會去搵頂級球員應該唔係大話，但係究竟呢啲頂級球員會唔會屈就一季踢唔到歐聯呢？仲要黎緊2018年有世界盃，個個球員都想爭取喺大舞台表現自己，以增加進入國家隊嘅機會，所以雲加今年夏天要做嘅野真係好多亦都非常之咁困難。

以下為雲加可以考慮搶簽的球員：
1、盧卡古(愛華頓)


2、伊斯高(皇馬)

3、占士洛迪古斯(皇馬)

4、莫拉達(皇馬)


5、奧巴美揚(多蒙特)


6、馬列斯(李斯特城)