{ SKIP }
文:MenClub Mr.波特  圖:互聯網
POSTED ON 12 Jun 2017


Tracy McGrady係NBA著名嘅得分王,佢嘅進攻天賦甚至有人認為係比湖人之傳奇Kobe Bryant更出色。可惜嘅係,T-Mac被佢嘅傷病所影響,成就遠遠不及Kobe,而最終佢亦喺2013年8月宣佈退役,當時嘅佢就只有34歲,所以球迷都感到特別婉惜。不過,呢位傳奇得分王喺今年成功獲選,將成為2017年籃球名人堂嘅一份子,加入成為籃球殿堂級嘅球員之一,實在令唔少人喜出望外。



而講到T-Mac,又點可以唔講佢喺2004年12月一場代表火箭同馬刺嘅比賽呢? 雖然呢場只係一場普通嘅常規賽,但卻足以載入NBA嘅史冊當中,因為喺呢場比賽入面Tracy McGrady上演左一次「神蹟」。


喺呢場比賽入面,T-Mac有姚明呢位隊友,而對手則係有Tim Duncan、Tony Parker及Manu Ginobili嘅馬刺,後者喺當年嘅衛冕冠軍。而喺比賽仲剩番44.2秒嘅時候,火箭正以8分落後,但就係呢個時候T-Mac就向上帝借左啲時間。


喺比賽最後35秒,T-Mac首先以一記三分球將比分追至落後5分,其後馬刺憑任2個罰球又將比分拉開至7分。


接下來嘅回合,T-Mac再次出手三分球,而喺呢球三分命中嘅同時,他成功博得Duncan犯規,最終呢球罰球佢亦成功命中,憑住呢次4分打,仍成功將比分追至落後3分,當時比賽時仲有24.3秒。


雖然氣勢一面倒去晒火箭個面,但係馬刺亦無自亂陣腳,火箭亦只可以用犯規戰術令時間暫定,馬刺再一次憑罰球將分差重新拉開至5分,而比賽時間就只係剩番16.2秒。


之後又到火箭進攻,而馬刺則派出防守專家Bruce Bowen貼身招呼T-Mac,但後者喺Bowen面前直接出手三分,球再一次命中,火箭將比分縮窄至只落後2分。


其後馬刺為了好好部署最好一擊叫了一次暫停,但係仍地竟然喺呢個時候出現致命失誤,球再一次交到T-Mac手上,而佢將球運過半場後,喺雙人夾擊下再次出手三分球,球應聲命中,火箭喺比賽時間剩低1.7秒下成功反超馬刺一分。


最終馬刺最後一擊未能命中,火箭成功反勝馬刺,而T-Mac就完成左一次35秒獨取13分反勝嘅「神蹟」,震驚整個籃球界!

Christopher Nolan嘅下一部大作《Odyssey》星光熠熠,單單係Matt Damon、Tom Holland、Anne Hathaway、Zendaya等演員名單就已經夠吸引大家入場。但除咗電影公佈嘅首張劇照確認Matt Damon會出演主角奧德修斯(Odysseu ...
hobby
【影視】Nolan《Odyssey》角色名單曝露 荷蘭仔、麥迪文演父子 Zendaya飾雅典娜
17 Mar 2025
Amazon及MGM早前從Eon Productions手上買下《James Bond》系列創作權之後,唔少人都擔心呢個代表英國嘅著名IP會被為利是圖嘅大企業玩爛,又或者被強行「覺醒」,特別係Amazon早前推出嘅《Power of Rings》更可謂前車 ...
hobby
【影視】Amazon指新James Bond仍是英藉、男性 Idris Elba接任有望?
17 Mar 2025