{ SKIP }
文:MenClub Mr.波特  圖:互聯網
POSTED ON 12 Jun 2017


尋晚喺皇馬主場班拿貝球場進行左一場慈善賽,由皇馬元老隊對羅馬元老隊嘅「雙馬大戰」,雙方唔少傳奇球員都有參加,其中包括皇馬嘅朗拿度、魯爾、卡路士、費高、摩連迪斯、沙加度等,而羅馬就有卡富、柏路達、卡斯錫迪等,比賽都可算得上係粒粒皆星。



今場比賽係皇馬第8屆舉行嘅「Goals for Africa」慈善賽,而賽事嘅焦點大部份都落在主隊皇馬身上,其中巴西傳奇前鋒朗拿度就更加係當中焦點中嘅焦點。不過,相信唔少人都知道朗拿度自從球員生涯晚期身型開始走樣,而退役後就更加懶理身型,所以宜家嘅佢都十足一名「肥佬」,佢個肚腩都真係有番咁上下。


身型肥左唔少嘅朗拿度速度上當然無可能同巔峰期相比,但係佢嘅腳下技術都仲有係度,大家可以喺比賽入面見到佢嘅一啲插花同控球都仲係相當精彩的。而對於呢位傳奇,入場嘅球迷都報以熱烈嘅掌聲同歡呼聲,可見呢位球員真係幾咁得人鍾意。不過礙於體能問題,朗拿度一路踢都抖晒大氣,最終只係上陣左33分鐘就被入替了。



最終,呢場比賽由費高、干高各入一球,再加上摩連迪斯梅開二度,最終皇馬以4:0大勝羅馬,其中費高嘅罰球簡直保持係世界級水準,完美嘅弧線直入龍門網仔,門將想救都救唔到。另外都想提下魯爾,雖然佢無波入,但可以睇到佢喺場上仍然好活躍,佢啲比波都仲係好精彩,當年皇馬放佢走唔比佢係球隊終老都真係令人感到無比婉惜...


呢場比賽比分當然唔係最重要,做慈善先係賽事嘅重點,而對於球迷黎講見到一班傳奇可以再次上場踢波,已經係心滿意足架啦,其中Mr.波特我見到巴西兩大傳奇邊後衛卡富同埋卡路士同場獻技以及喺場邊一齊接受訪問,真係咩回憶都番晒黎,真係好令人懷念呢!


後生嘅朗拿度、卡富以及卡路士,實在太令人回味啦!


雖然《F1》已上映近一個多月,但後勢依然強勁,全球房票在日前正式突破5.45億美元,唔單止係Apple TV+有史以來最賣座嘅院線作品,仲超越咗Brad Pitt喺2013年《World War Z(地球末日戰)》創下嘅5.4億美元票房,成為 ...
hobby
【影視】《F1》全球票房突破5.45億美元 成為Brad Pitt演藝生涯最賣座電影
06 Aug 2025
繼2015年「LEGO IDEAS 21303」後,LEGO事隔十年再次推出Pixar動畫《太空奇兵威E(WALL-E)》模型。而且今次除咗有主角威E,就連伊芙(EVE)、清潔機械人毛仔(M-O)同小蟑螂(Hal)都有份! 呢款模型由 ...
hobby
【玩物】LEGO重推《太空奇兵·威E》積木套裝 今次仲加入EVE及M-O!
05 Aug 2025