{ SKIP }
文:MenClub Mr.波特  圖:互聯網
POSTED ON 13 Jun 2017


提到近代嘅飛人相信無人唔識「牙買加閃電」保特(Usain Bolt),呢位短跑飛人曾差點奪得近3屆奧運會所有短跑項目嘅金牌,其中包括100m、200m以及4x100m接力(可惜喺北京奧運嘅4x100m因隊友藥檢唔合格被褫奪金牌),合共8面金牌,榮登「地上最快男人」寶座。




保特喺2008年北京奧運一役以無敵姿態奪得100m冠軍後而為人所認識,之後基本上佢喺任何大賽上都毫無敵手,奠定佢一代「短跑之王」嘅地位。不過無論你點快都好,你都係敵唔過時間,現年30嘅保特已經喺較早前公開表示,自己將會喺今年8月喺倫敦舉行嘅世界田徑錦標賽後正式退役,結束自己嘅跑手生涯。

而近日,保特就回到祖國牙買加參加其中一站嘅格蘭披治大賽,而呢場比賽亦適逢係佢生涯入面最後一次喺祖國參加嘅賽事,因此吸引左35000名觀眾入場一睹呢位傳奇跑手嘅最後身影。面對一眾同胞嘅支持,保特亦繼績他一向吸引人目光嘅舉動,喺起跑前動作多多。


槍聲一響,保特繼績他一向嘅跑法,就係喺初段先落後,但跑左30m左右就會從後趕上,一直領先至衝線,最終大會顯示保特嘅時間為9.65秒,不過因為順風關係最終佢嘅成績為10.03秒,雖然保特罕不能在10秒內完成比賽,但佢仍然成功奪得呢次賽事嘅冠軍,完美喺同胞面前完成自己喺牙買加嘅最後一場比賽。


對於今次喺祖國參加嘅賽事,保特坦言自己非常緊張,係佢生涯表現最差嘅一仗,亦同時係佢生涯入面最緊張嘅一場100m比賽,因為成個場館都係支持佢嘅朋友,所以佢非常激動。贏左呢場賽事後,保特亦即將迎來自己生涯最後嘅大賽,8月佢將會參加倫敦世界田徑錦標賽,而呢場賽事之後一代飛人就會正式退役啦!

保特威水史:

2008年北京奧運

100m金牌 - 9.69秒(破世界及奧運紀錄)

200m金牌 - 19.3秒(破世界及奧運紀錄)



2009年世界賽

100m金牌 - 9.58秒(破世界紀錄)

200m金牌 - 19.19秒(破世界紀錄)



2011年世界賽

4x100m金牌 - 37.04秒(破世界紀錄)



2012年倫敦奧運

4x100m金牌 - 36.84秒(破世界紀錄)



1 LEGO在年初宣布與Netflix真人版《ONE PIECE》合作後,雙方Fans都期待萬分。如今官方終於一口氣推出5款聯乘積木模型,重現「東海篇」多個著名場景。有梅利號,又有海上餐廳芭拉蒂,今次LEGO迷同ONE PIECE迷都 ...
hobby
【玩物】LEGO x《ONE PIECE》推出5款聯乘模型!積木版梅利號正式登場
06 Jun 2025
任天堂新主機Switch 2昨日正式開賣,全球各地機迷紛紛到舖頭排隊搶購新機,希望盡快體驗新遊戲嘅樂趣。不過,美國卻爆出一場銷售災難,有唔少喺GameStop預購新機嘅玩家投訴,由於店員用釘書機將收據直接釘喺包裝盒上 ...
hobby
【電玩】美國玩家滿心歡喜領取Switch 2 螢幕卻被零售店用釘書機「釘」出兩個小洞
06 Jun 2025