{ SKIP }
文:MenClub Mr.波特  圖:互聯網
POSTED ON 15 Jun 2017


曼聯岩岩一季雖然喺聯賽只能夠拎到第6位,但係佢地就成功奪得三項錦標:慈善盾、聯賽盃及歐霸盃,其中憑住歐霸盃紅魔鬼成功獲得來季歐聯分組賽參賽資格,所以佢地都算係過左一個唔錯嘅賽季。




對於來季將繼績多線發展,曼聯今夏必須大肆擴軍先有機會再次挑戰多個錦標,而以紅魔目前最弱嘅一環,相信就係前鋒線啦。曼聯今季入波最多嘅球員係「呂布」伊巴謙莫域,但係佢因為受傷將需要休養至2018年先可以復出,所以曼聯決定今夏唔同佢續約,咁樣就更加令曼聯嘅鋒線飽受更大壓力。


如果無左伊巴,曼聯嘅鋒線就只係得番朗尼、馬斯亞同拉舒福特叫做可以派得上場,但其中朗尼狀態已經大幅下滑,表現已經不可同日而語,更何況一直盛傳佢今夏會離隊,所以最近先一直傳莫拉達會加盟曼聯。



對於唔少魔迷黎講,都覺得「良月月巴」已經無咩用,希望球隊可以將佢送走,而最新嘅資訊顯示,「良月月巴」可能真係會走啦!邊度得知呢個消息?睇下曼聯官方Twitter帳號就會一清二楚。


喺曼聯官方Twitter號最上方的圖片,大家宜家睇到嘅係普巴、靴里拉同埋連加特,但係其實喺一個月前朗尼都喺呢條Banner上面架,只不過如今佢已經被消失。作為球隊隊長,朗尼咁樣被消失,真係好難唔覺得奇怪,所以這似乎就係暗示朗尼即將離開曼聯。



朗尼較早前一直指自己正在考慮未來嘅去向,留隊唔係無可能,但係如今離隊嘅可能性更大,佢有可能加盟英超中下游嘅球隊,但係相信佢無可能拎得番目前喺曼聯拎緊嘅人工,如果唔係佢就真係可以考慮加盟中超,但係佢自己就要重新適應一個新環境,同埋踢一個水平低得多嘅聯賽啦。






曾多次榮獲影后嘅葉德嫻(Deanie姐)睽違八年再次重返大銀幕!並聯同金球獎影帝Colin Farrell、Tilda Swinton及陳法拉共同主演Netflix全新懸疑電影《Ballad of a Small Player(小人物之歌)》,預計今年10月29日正 ...
hobby
【影視】Netflix懸疑新片《小人物之歌》預告出爐!Colin Farrell、Tilda Swinton、陳法拉、葉德嫻聯手主演
20 Aug 2025
上月我哋曾經報導過Amazon MGM Studios(以下簡稱Amazon)高薪搵黎《Basic Instinct》(本能)編劇Joe Eszterhas打算重啟系列,後者更直言想搵返Sharon Stone回歸出演。不過近日Sharon Stone接受訪問時就非常直接地 ...
hobby
【影視】莎朗史東拒演新《本能》 「我唔明點解要拍,祝你好__運啦!」
20 Aug 2025