{ SKIP }
文:MenClub 魏文青  
POSTED ON 18 Jun 2017
《Wonder Woman》大熱,連帶女主角Gal Gadot都成為網民嘅寵兒,唔單止過去N年拍嘅訪問、寫真、舞台都被人拎出黎「翻J」,就連各大廠商都推出神奇女俠週邊諗住分一杯羹。例如來自美國嘅「國家娛樂收藏品協會(NECA)」就推出咗一個1:1,仿照電影中嘅Gal Gadot而造嘅雕像,可以搬女神入屋喎,理論上就應該好多Fans好興奮…但NECA你介唔介意解釋一下呢位太太係邊個黎?


唔係隔離個員工呀,係呢個著到好似神奇女俠咁嘅太太呀!呢隻雕像全高(連地台)有成185cm,用上發泡膠加乳膠製成,所以比起其他同樣大細嘅雕像黎得輕,再由人手「仿真地」上色,再加上假髮,字面睇落就係好吸引。問題係睇試作品圖都真係幾趕客。馬甲、腿甲以及盾牌嘅紋理同上身都冇問題,但Gal Gadot變咗虎背熊腰、個大脾仲好粗壯、一頭秀髮又好似好耐冇洗過咁,仲有個樣…真係好難講得過去呢!


呢隻1:1雕像預計10月就會發貨,售價未定,不過我估大家都唔太想知啦可?
NECA




Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025