【萬眾期待】「戰神」上陣，BIG 3三人聯賽開打！

文：MenClub Mr.波特　　圖：互聯網
POSTED ON 26 Jun 2017


2016-17年NBA球季，由勇士喺總決賽成功以4：1擊敗騎士後，正式宣佈落幕，大家又要等到今年10月底先可以再有NBA睇。平時等待開季呢4個月，各位球迷都一定相當辛苦，因為無乜咩籃球比賽好似NBA咁吸引。不過今年有啲不同，因為有一個全新嘅三人籃球聯賽BIG 3喺今日正式開打！
部份現役NBA球星好似James Harden同Lou Williams亦都有到場支持BIG 3聯賽。
BIG 3聯賽其實固名思義就係一個三人籃球聯賽，而咁具話題係因為比賽有唔少退役NBA球星參加，其中包括最廣為人知嘅「戰神」Allen Iverson、「白朱古力」Jason Williams等。呢啲球星對於球迷黎講都係佢地嘅青春，因為都係一路睇住佢地由新秀變成巨星，再睇住佢地一個一個咁退役。

今次透過BIG 3聯賽，各位球迷可以再一次睇到呢班前巨星嘅風采，實在可以話係死而無憾。而其中Iverson同Williams都有喺比賽入面上陣，不過情況就有啲唔同。作為其中一支球隊嘅故練，Iverson今日只係上陣9分鐘，但係就成功命中一記中距離投射，引爆全場球迷歡呼。「戰神」賽前熱身「戰神」賽事首記入球

而Williams今日就係一次突破中喺毫無接觸下不幸右膝受傷倒地不起，需要現場醫護人員為佢檢查，而可以見到Willams相當痛苦，可以預想佢今次傷勢應該唔輕。
前帝王球星Mike Bibby!!
以退役NBA球星作招來，BIG 3聯賽嘅號召力都相當驚人，喺第一個比賽日已經錄得15000多人入場觀看，以非NBA比賽黎講呢個數字絕對唔講得少。而BIG 3聯賽每週只有一個比賽日，所以大家要等下星期先再有得睇比賽、睇「戰神」啦，希望可場佢可以再多啲落場打啦！

「戰神」賽後接受訪問：
比賽精彩鏡頭！