【一係入一係唔入】救空門絕對唔簡單！

文：MenClub Mr.波特　　圖：互聯網
POSTED ON 30 Jun 2017


足球比賽球員攻門一向都係「一係入一係唔入」，相信呢句金句大家都知道，但係相信有唔少人都認為，當你成功過左龍門呢個「最後」一關之後，你就一定可以成功得分，但其實呢個絕對係錯架，因為呢個世界係仲有救空門的！

叫得救空門，當然講緊唔係由門將去救，係由其他球員回防代替門將把守白界前，去用生命(其實係雙腳同個頭)去守住自己一方嘅最後防線。要知道個龍門咁大，又唔可以用手去救波，所以要成功護空門真係一啲都唔簡單，當然運氣亦都好需要啦。

喺足球歷史入面，護空門都真係出現過唔少，有一啲就因為對方嘅射門速度慢，讓防守球員成功從後趕上將射門清走。亦有一啲就係防守球員岩岩站喺一個最佳位置，就算對方嘅射門成功越過門將十指關，但係就岩岩射正門前嘅球員，令佢可以用頭或腳成功解圍。

不過如果要數最令人印象深刻嘅護空門，就必定要數烏拉圭前鋒蘇亞雷斯喺2010年世界盃八強面對加納嘅時候，竟然喺加時賽入面用手護空門，當然呢一個行動令他換黎即時紅牌出場，但係佢就成功暫緩球隊落後。門前手球當然要被判罰12碼，但係最終加納負責主射嘅球員竟然用力過度，球彈楣而出，烏拉圭成功保住不失球，而被罰下場嘅蘇亞雷薪亦非常興奮。

相信最終結果唔少人都仲記得，烏拉圭同加納喺法定120分鐘入面踢成1：1平手，最終互射12碼烏拉圭成功勝出，所以蘇亞雷斯嘅手球雖然被罰紅牌，但就絕對係球隊成功晉級世界盃4強最重要嘅時刻。如果無呢下手球，相信烏拉圭當屆已經止步於八強了。