{ SKIP }
文:MenClub Mr.波特  圖:互聯網
POSTED ON 26 Jul 2017


近日NBA最受關注嘅消息相信就係騎士控衛Kyrie Irving有意離隊,雖然呢個消息並無100%獲得肯定,但係尋日騎士有一個動作卻助證Irving真係好大機會離隊他投,呢個動作就係騎士官方宣佈成功以一年210萬美元簽入NBA歷史最年輕MVP Derrick Rose。



作為控衛嘅Rose今次加入騎士,雖然唔代表Irving一定會離隊,但係機會就真係好大啦,因為Rose無理由願意黎到只係打後備,騎士咁樣做明顯已經幾肯定Irving會離隊,咁樣Rose來季將會取代Irving成為騎士嘅正選控衛。另外亦有消息指,今次Rose嘅加盟係因為LeBron James從中勸說的,所以咁樣亦代表LeBron已經知道Irving要走,所以預先同Rose溝通從而為來季作準備。


Irving離開對騎士黎講一定有損失,因為Irving只有25歲係球隊嘅未來,佢嘅攻擊力亦都係球隊所需要的。不過,Irving嘅打法亦有唔少弊處,其中佢經常單打,導致球隊進攻嘅流動性唔夠大,而佢嘅防守亦只屬於中下,所以好難防得住對方出色嘅控衛。而宜家得到Rose,雖然呢位前MVP已經不復當年勇,但係就打法就成熟左好多,控制比賽嘅節奏亦應該會做得比Irving好,所以對於騎士黎講情況又唔算非常壞。


而Irving希望離開,騎士迫於無耐下亦只能開啟交易,目前對Irving有興趣嘅球隊亦唔少,其中較大機會完成交易嘅球隊包括塞爾特人、紐約人、太陽、金塊、木狼以及公鹿。其中塞爾特人手頭上嘅籌碼算得上係最多的,佢地可以送出Isaiah Thomas,又可以送出未來嘅首輪選秀權,但係作為騎士東岸嘅主要競爭對手,將Irving送過去無疑係一個唔合適嘅做法。


咁樣騎士同紐約人交易可能更為合適,其中騎士有機會得到Carmelo Anthony,但係有消息指Melo更想加盟火箭,所以要想完成交易就要睇LeBron有幾想得到好友Melo啦。而另外騎士如果同太陽交易,咁佢地就可能會得到綽號「小LeBron」嘅Eric Bledsoe,但係咁樣佢可能就會同Rose嘅位置重疊左,作用相對較細。


如果以上兩支球隊都交易唔到嘅話,騎士仲可以試下同金塊交易,雖然金塊已經將Nikola Jokic同Jamal Murray列為非賣品,但係如果能夠得到Irving,唔排除金塊願意放棄Murray,再加上金塊亦都可以加入Will Barton同Kenneth Faried等作為交易籌碼,咁樣騎士將可以加強球隊嘅板櫈深度。


今次Irving突然要求離隊真係估佢唔到,呢位球員睇黎真係唔想活喺LeBron嘅陰影下,希望可以成為一支球隊嘅一哥。不過以佢以往喺LeBron仲未回歸騎士之前嘅帶隊情況,Irving真係仲未喺一位可靠嘅領軍人物,佢獨自帶隊嘅戰績完全比唔到人信心,所以大部份人都唔睇好Irving離開騎士可以取得成功。而騎士就算無左Irving,相信黎緊一季喺LeBron嘅帶領下要再次以東岸冠軍身份殺入總決賽嘅機會都仲係好大,所以唔知到時Irving會唔會後悔自己呢個離隊嘅決定呢?




由George R.R. Martin創作嘅《A Song of Ice and Fire》(冰與火之歌)係過去30年中最著名嘅奇幻小說系列之一,其改編而成嘅HBO劇集《Game of Thrones》亦曾一度佔據「神劇」位置。不過其實原著小說自2011年推出第五 ...
hobby
【影視】《Witcher》原作者表示同情G.R.R Martin 指《Game of Thones》劇集係新書拖延原因
02 Jul 2025
繼2015年《The Martian(火星任務)》大獲成功後,原作者Andy Weir所撰寫嘅另一部暢銷小說《Project Hail Mary(末日聖母號)》亦被搬上大銀幕。荷里活型男Ryan Gosling將飾演一名初中老師,為拯救人類獨自踏上太空 ...
hobby
【影視】科幻電影《Project Hail Mary》公開首部預告!Ryan Gosling為拯救全人類獨自上太空
01 Jul 2025