【爆肌】CrossFit訓練你又識唔識？

文：MenClub Mr.波特　　圖：互聯網
POSTED ON 01 Aug 2017


CrossFit呢個Term唔知你又有無聽過呢？CrossFit中文解作混合健身，意思就係利用一系列唔同嘅動作，例如舉重、掌上壓、深蹲等，無間斷咁不斷來回重覆做呢幾個動作，咁樣就可以達致加強全身唔同方面嘅力量，就好似體能、爆發力、柔軟性、協調性等等。

由於CrossFit呢種訓練只係近10幾年先發展，所以喺香港亦都唔算有好多人認識，但係近年呢項訓練發展已經相當迅速，而香港亦有選手更加衝出香港，成為亞洲區嘅前10選手，為香港增光。

近日香港就有品牌喺商場入面舉行左一場CrossFit嘅對決，其中參戰嘅有4間CrossFit館，佢地分別進行一系列相同嘅動作然後計時，睇下邊個嘅時間最快。而參賽者入面就包括上面講到嘅亞洲CrossFit前10嘅代表Wesley Lo，佢曾經喺2017年CrossFit公開賽拎過亞洲第6位，亦都係香港第一。除左呢位咁有份量嘅CrossFit高手之外，現場嘅參加者入面亦都有香港欖球員Charles Cheung、空手道套拳世界排名第4嘅Grace、空手道套拳世界排名20嘅Jimmy同埋空手道套拳世界排名20嘅Chi Ming。

只見呢班大隻人士現場做CrossFit動作，真係爆晒肌咁，現場睇見都真係幾震撼，唔知你又有無興趣鍛鍊下，變得大隻d呢？

而做CrossFit由於需要做唔同嘅動作，其中包括舉重等負重動作，之後又可能要做移動嘅動作，所以對腳部嘅負擔真係一啲都唔輕，所以準備一對適合嘅鞋絕對係必要的。而以下呢對鞋就係針對做CrossFit或有興趣開始做CrossFit嘅你啦！

呢對鞋叫做Nano 7，專門為做CrossFit嘅人設計，佢沿用Powerlaunch寬足鞋頭，依據解剖學原理設計能幫助腳掌喺動作進行時完整咁對地板施力，又可以增加腳步同身體嘅穩定性。另外，鞋面設有透氣功能，鞋底則設有防滑刻痕，令訓練變得更加穩定，適合高強度訓練和賽事參加者使用。