{ SKIP }
文:MenClub Mr.波特  圖:互聯網
POSTED ON 04 Aug 2017


2016年,籃球界有NBA傳奇球星Kobe Bryant退役。黎到2017年,足球界亦有傳奇球員羅馬王子托迪退役。而進入2017年8月,喺田徑界亦將會再有一位傳奇選手退役,佢就係人稱「閃電」、地球上跑得最快嘅人 - 保特。



現年30歲嘅保特,喺較早前已經公開表示自己將會喺今年倫敦世錦賽之後正式退役,呢個消息對於田徑界黎講絕對係大新聞,要知道保特係世界性嘅明星選手,佢嘅離開將會非常轟動。


今年喺倫敦舉行嘅世錦賽將由香港時間8月5日開始,至8月14日完結,而保特將只會出戰兩項賽事,其中分別係100米(8月6日決賽)同埋4x100米(8月14日決賽),佢好希望可以以奪得金牌黎慶祝自己退役。不過今次保特要奪冠並唔容易,首先因為佢嘅個人狀態並唔係非常出色,再加上佢嘅對手實力亦非常高,就好似曾喺里約奧運同保特談笑風生接近一齊衝線年僅22歲嘅加拿大新飛人迪加斯(De Grasse)。


即將退役嘅保特,其跑步生涯奪獎無數,其中包括三屆奧運會勇奪8面金牌,而喺世錦賽亦曾奪得11面金牌,同時佢亦都係100米同200米嘅世界紀錄保持者,而佢亦自信喺呢個世代將無人可以超過佢嘅紀錄。



8月21日保特將迎來佢31歲嘅生日,但到時相信佢已經宣佈左退役,而佢咁後生退左役之後會做啲咩呢?去做跑步教練?只做代言遊戲人生?


相信唔少保特嘅支持者都知道,保特非常熱愛足球,並且喺曼聯嘅狂熱粉絲,而較早前亦有消息指,呢位飛人曾到德甲球隊多蒙特跟操,睇黎佢喺退役之後好大機會轉職至足球界。最新嘅消息指,保特已經收到12支球隊提出試腳嘅機會,當然呢12支球隊並唔係啲咩頂級豪門,但係佢將會再次去到多蒙特跟操,最終能否加盟職業球隊比賽,就要睇下保特嘅訓練情況啦。


不過,對於保特由跑手轉為足球員,佢嘅經理人就唔太睇好,因為保特快將31歲,最好嘅情況係佢可以加入英乙或英冠嘅球隊,但呢個係講緊佢需要訓練至少6-9個月嘅時間。對於呢啲較為低組別嘅球隊黎講,引入保特雖然唔會大幅提升球隊實力,但係對於宣傳球隊黎講卻作用極大,所以保特未來應該都係會有班落的,而能唔能夠有機會喺未來加入咩大球會,就要睇佢究竟係咪真係有足夠嘅足球天賦啦。


由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024