NBA新球季仲有兩個月先開鑼，但係相信各位球迷已經相當期待，因為今年夏天有唔少大交易或自由球員簽約發生，就好似Paul George加盟雷霆、Jimmy Buter加盟木狼、Chris Paul加盟火箭、Gordon Hayward加盟塞爾特人等等，呢啲交易同簽約都令新球季局勢大變，亦都令部份球隊嘅關係變得相當微妙。

10、鵜鶘 vs 帝王

DeMarcus Cousins上季全明星週末期間被帝王交易至鵜鶘，之後呢位中鋒未曾重返帝王主場作賽，預計由於佢喺帝王期間有著唔少貢獻，相信帝王嘅球迷會歡迎佢回來，而Cousins屆時面對舊隊友又唔知會唔會出現失控嘅情況呢？

9、76人 vs 湖人

相信唔少人兩年前見到呢組對決都會放棄觀看，但係如今呢兩支球隊都可以話係NBA最具天賦嘅球隊之一，其中76人擁有「大帝」Joel Embiid同兩位狀元Simmons同Fultz，而湖人就有話題球員Lonzo Ball，相信呢組對決無論話題性定係比賽精彩程度一定非常高！唔知屆時Embiid遇上Lonzo父親LaVar Ball會有咩反應呢？

8、雷霆 vs 溜馬

7、巫師 vs 塞爾特人

雖然巫師可以話係今年夏天最少動作嘅球隊，但係佢地成功續約John Wall同Otto Porter，代表成功確保球隊未來嘅核心。

塞爾特人方面，佢地成功從爵士挖來全明星Gordon Hayward，再加上佢地獲得即戰力探花Jayson Tatum，呢支上季嘅東岸冠軍將好大機會繼績成為東岸嘅一哥。而佢地同巫師將好大機會係未來東岸季後賽最經常碰頭嘅球隊。

6、公牛 vs 木狼

木狼同公牛算得上係關係密切，因為宜家木狼嘅教練Tom Thibodeau，之前就係公牛嘅教練，而今年夏天木狼又成功交易得到公牛核心Jimmy Butler，當兩支球隊對決嘅時候相信一定會非常牽動人心。

5、爵士 vs 塞爾特人

今年夏天塞爾特人成功從爵士身上挖走佢地嘅核心Gordon Hayward，後者離隊嘅決定令爵士球迷相當憤怒，甚至有部份球迷更怒燒Hayward嘅球衣，所以預計當塞軍作客爵士嘅時候，Hayward勢必受到現場球迷針對性嘅喝倒彩，而爵士中鋒Rudy Gobert亦非常不滿Hayward嘅決定，所以屆時佢地兩個有咩互動亦成為一大焦點。

4、騎士 vs 馬刺

騎士同馬刺對陣嘅時候，LeBron James vs Kawhi Leoanrd總會成為焦點，因為佢地兩個可以話係現今NBA最強大嘅兩個小前鋒，其中Leonard更曾經喺總決賽上擊敗LeBron，助馬刺奪得總冠軍。當然騎士亦絕對有能力擊敗馬刺，但如果Kyrie Irving離隊的話，咁騎士就少左一個可以擊敗馬刺嘅武器了。

3、快艇 vs 火箭

今年夏天，Chris Paul決定離開效力多年嘅快艇，轉投火箭同James Harden聯手，令本來已經相當強勁嘅火箭牌面上變得更恐佈。由於多年黎都係快艇嘅領軍人物，新球季當CP3重返快艇嘅時候，究竟球迷會歡迎佢定係會大罵佢呢？而快艇嘅球員，特別係Blake Griffin亦會努力證明自己，快艇現在將由佢領軍。

2、馬刺 vs 勇士

1、騎士 vs 勇士