七出七進宮崎駿新作最快2020年上映

文：MenClub 魏文青　　
POSTED ON 11 Aug 2017

歷史上能夠稱得上「七進七出」呢個朵嘅，只有喺長坂坡勇救阿斗、「一身是膽」嘅趙雲。不過就係幾日前，有一個日本人都成功登上同一個水平，佢就係創出N部經典動畫，同時又七次引退、七次復出嘅日本國寶級大師宮崎駿！

有關宮崎駿老師「七進七出」嘅消息，其實年頭就已經被廣泛報導，咁多年黎大家被佢呃咗咁多次，都已經習以為常。最新嘅消息係來自吉卜力官網，話宮崎駿老師已經親自同核心成員會面，講解對於新作嘅想法。而之前發佈嘅招聘訊息亦吸引咗大量外國人材報名，目前第一階段篩選已經完結，黎緊9月會有第二輪面試，之後就會於10月開始三年嘅製作，換言之最快2020年新作就可以上映。

宮崎駿老師於2013年嘅復出作《風起了》
而除咗新作之外，大家都非常好奇喺宮崎駿老師「七進七出」，我哋又被佢「七擒七縱」之後，仲會唔會有第八次呢？據報宮崎駿老師指考慮到年齡問題(2020年時宮崎老師已經係79歲)，今次嘅新作真係最後一部作品啦…喎。