今年喺倫敦舉行嘅世界田徑錦標賽，可以話係相當受外界關注，因為呢次比賽將係牙買加飛人「閃電」保特生涯最後一項參加嘅比賽，呢位30歲嘅飛人較早前已經公開表明喺倫敦世錦賽後就會正式退役，結束跑手生涯。今屆世錦賽，保特只係參加左兩項賽事，分別係100m同埋4x100m，而正當所有人都希望可以見證呢位飛人可以完美謝幕，喺賽事以奪金退役之時，佢卻以最令人失望嘅方式結束自己嘅運動員生涯。