{ SKIP }
文:MenClub 波特先生  圖:互聯網
POSTED ON 23 Aug 2017

有消息指騎士控衛Kyrie Irving已經唔想再同LeBron James成為隊友,佢想離開騎士證明自己,所以喺今年夏天較早嘅時間佢已經向球隊老闆要求希望球隊可以將佢交易,不過要想交易作為巨星級別嘅Irving並唔係易事,再加上騎士唔想做蝕本生意,所以騎士一直都未有較為肯定嘅交易對象。



不過黎到今日,突然NBA官方宣佈騎士同塞爾特人已經確認Irving嘅交易,騎士將會送出Irving,而塞軍則會將球隊原來嘅核心Isaiah Thomas、Jae Crowder、Ante Zizic以及來自籃網2018年嘅首輪選秀權送給騎士。


騎士呢次交易最重要獲得嘅球員一定係Thomas,呢位球員近兩季已經證明左自己嘅能力,特別係得分及組織方面,佢將唔會較Irving差得遠,而佢嘅助攻能力則更加要較Irving為高。不過,Thomas嘅防守卻因為身高而變成弱點,呢個問題騎士必須解決,否則只有進攻的話,將難以獲得總冠軍。另外值得一提嘅係,騎士較早前已經低價簽入左前MVP Derrick Rose,究竟到時Rose同Thomas會點分工呢? 呢個亦都係值得思考嘅一點。


而除左獲得Thomas呢位全明星嘅控衛之外,騎士仲得到Crowder呢位攻守能力不俗嘅小前鋒,預計佢將可以出任James嘅後備。另外,Ante Zizic呢位只有20歲嘅中鋒,將可以加強球隊內線嘅實力以及活力,如果佢表現好嘅話仲可能會成為騎士未來嘅一部份。而最後嘅選權,則對於騎士未來黎講亦相當重要,要知道預計籃網黎緊一季都好難殺入季後賽,所以騎士好大機會會獲得一個較高順位嘅選秀權。


塞軍方面,雖然送走左3位球員,但Irving將會聯同Gordon Hayward同Al Horford組成新三巨頭,而Irving亦都係三巨頭當中唯一擁有總冠軍嘅球員,所以佢嘅話語權將會最大,但究竟佢會唔會算係球隊嘅第一核心,則好需要時間去證明,特別係如果無左LeBron James去鎮住佢,佢會唔會失控咁單打呢? 定黎到新環境佢可以融入塞軍嘅體系呢?


無論點都好,本身騎士同塞爾特人都係東岸嘅死對頭,如今再有一宗大交易進行,兩支球隊嘅球星互換,預計新球季兩支球隊碰上嘅時候,將會更具話題及更令人關注!


最後比埋Irving同Thomas兩人上季嘅數據對比:

Irving: 上陣72場,場均上陣35.1分鐘,取得25.2分5.8助攻3.2籃板1.2抄截0.3封阻

Thoms: 上陣75場,場均上陣33.8分鐘,取得28.9分5.9助攻2.7籃板0.9抄截0.2封阻

著名警匪片導演Michael Mann早於兩年前表示會開拍《Heat (盜火線)》續集,但至今仍未有顯著進展。據消息人士透露,主因在於Michael Mann提出高達2億美元製作預算,片商華納兄弟覺得成本太高,暫不願投資。不過,目前 ...
hobby
《盜火線2》因成本過高卡關 若Leonardo DiCaprio加盟有望推動進展
07 Aug 2025
卻說今年3月Marvel以超長直播公佈《Doomsday》嘅演員名單後,Chris Hemsworth於5月上傳一段長約兩分鐘、集結過去《Thor》電影片段、宣傳花絮嘅影片,片名仲叫做「Thank You! The Legacy of Thor」,令唔少人都以為佢 ...
hobby
【影視】Chris Hemsworth談「告別索爾」影片 「大家都誤會了!」
07 Aug 2025