西甲班霸巴塞隆拿近期可謂度過左一個令人失望嘅夏天，首先佢地竟然被法甲豪門巴黎聖日耳門以天價2.2億歐元搶走尼馬，導致球隊已經成熟嘅進攻三叉戟解體，其後引伸出球隊高層嘅無能，令球迷大感不滿。而最新消息則有指美斯對球隊高層亦開始不滿，特別係球隊竟然讓尼馬離隊，所以美斯目前亦不會同球隊續約，要睇下球隊發展如何先再作決定。除左美斯，有傳明夏將會約滿嘅恩尼斯達亦可能會選擇離隊，咁樣搞法「地上最強」真係隨時星散。

Volvió @3gerardpique

除左美斯，隊中另一核心恩尼斯達嘅合同亦都係喺明年夏天到期，但至今佢仍然未同球會續約。而有消息指，「小白」正考慮明夏約滿後離隊，，佢直言過往從來無諗過離隊，但係宜家卻有呢個諗法，佢需要認真考慮自己嘅前途。