{ SKIP }
文:MenClub 波特先生  圖:互聯網
POSTED ON 24 Aug 2017


期待已久嘅跨界別大戰Mayweather vs McGregor呢場「世紀之戰」,將會喺香港時間今個星期日早上9點正式上演。而「世紀之戰」最後一場記者會亦已經舉行完畢,雙方將正式進行最後臨戰狀態,究竟兩位冠軍最終鹿死誰手呢?!

目前,兩位選手都已經去到將會進行比賽嘅地點拉斯維加斯,雙方都繼續自己嘅備戰,其中McGregor馬不停蹄全力訓練拳擊比賽方式,無論係出拳定防守,希望努力可以彌補自己對拳擊嘅不足。而McGregor由於較對手Mayweather年輕12歲,所以無論體力定係速度都理應較對手出色,對此McGregor亦對自己充滿信心。呢位UFC雙料冠軍就直言,如果Mayweather想擊敗佢,就只可以化身成為李小龍先有勝算,而佢則認為自己一個回合就可以KO對方,佢強調咁講並唔係自大,而係佢將可以摧毀Mayweather,以此證明自己唔單止係冠軍,而且係一位傳奇。


除此之外,喺最後一次嘅記者會上,McGregor亦表示自己望住Mayweather,就好似望到一個破碎嘅男人,對方將會被佢毆打,並且將難以抵受佢嘅猛烈攻勢。


Mayweather方面則繼續選擇較少回應,呢位不敗拳王雖然已經40歲,但係始終擁有更出色嘅拳擊技術以及經驗,再加上今次比賽以拳擊例進行,所以理論上Mayweather仍然佔據更大嘅優勢。



呢場比賽外界預計將帶黎超過5億美元嘅收入,而比賽亦將會帶比兩位選手巨額嘅獎金,預計佢地將分別成為年度收入最高運動員嘅第一同第二位。究竟賽事會邊個贏呢?會係Mayweather以50勝不敗退役,定係McGregor證明自己嘅格鬥技拳擊可以擊敗拳擊選手呢?各位Fans真係要拭目以待!


巴裔美國演員兼棟篤笑表演者Kumail Nanjiani日前在Podcast節目透露,當年佢答應出演《永恆族(Eternals)》超級英雄「金戈(Kingo)」時,就同Marvel簽咗6部電影合約,並以為會係自己未來10年嘅事業重心。點知電影上 ...
hobby
【MCU】《永恆族》失利前已簽6部Marvel電影 Kumail Nanjiani:還以為會是我未來10年的工作
25 Aug 2025
據《Bloomberg》記者Mark Gurman爆料,Apple正考慮為即將發布嘅iPhone 17 Air推出一款全新手機殼,設計類似iPhone 4時期嘅bumper case。呢款手機殼只會包住機身邊框,旨在提供基本保護嘅同時,唔會太影響手機嘅輕薄 ...
hobby
【科技】Apple正考慮為iPhone 17 Air推出邊框手機殼 類似iPhone 4的bumper case
25 Aug 2025