{ SKIP }
文:MenClub 波特先生  圖:互聯網
POSTED ON 25 Aug 2017

NBA作為一個商業體育聯盟,大部份球隊嘅出發點絕對係以自身利益有關,一切都係商業決定。因此,塞爾特人岩岩同騎士進行交易,將球隊本來嘅領軍人物Isaiah Thomas送走,都一定係商業決定。對於呢個情況,勇士嘅總決賽MVP Kevin Durant喺網上發出了一點個人意見。



喺Thomas被送走後,有球迷喺網上表達對塞爾特人嘅不滿,呢位球迷表示,塞軍岩岩送走了左位妹妹岩岩離開世界,第二天就已經上陣比賽嘅球員,咁嘅情況下點解人們仍然期望球員要對球隊有絕對嘅忠誠呢?對於呢位球迷嘅言論,KD點了Like,並表示:「我就是我,我要做自己,我享受這一切。」



對於KD呢個回應其實一啲都唔難理解,因為去年夏天佢決定離開效力多年嘅雷霆,並轉投73勝嘅勇士旗下。KD嘅決定隨即引黎口誅筆伐,大部份球迷都認為佢背叛左雷霆,致舊東家於不理,然後自己抱團奪得總冠軍。如今塞爾特人無情咁送走球隊核心球星,KD當然借此黎諷刺一番,說明球隊都會懶理球員嘅忠誠作出無情嘅決定,咁為何球員就一定要對球隊忠心呢?


KD嘅心情其實唔難明白,一切都係商業決定,為何佢嘅選擇會被認為係背叛呢?如今Thomas被突然交易送走,佢完全無任何話事權,咁樣對一位岩岩領軍殺入東岸決賽嘅核心球員,真係半點人情都無。更甚嘅係,塞軍竟然有球迷燒Thomas嘅球衣,呢個行為就更加難以令人明白,因為並唔係Thomas自己要求離開的,所以咁樣絕對係充滿委屈。


能夠為一支球隊效力至退役,絕對係被視為一代忠臣,就好似Tim Duncan、Kobe Braynt等嘅傳奇咁。但係,如果未能留在同一支球隊效力,無論係自己離開定係被交易,咁樣又算唔算係不忠呢?呢個問題真係值得我地思考一下。










由Sony動畫製作嘅Netflix原創動畫電影《Kpop 獵魔女團(KPop Demon Hunters)》,將K-pop偶像、奇幻元素同韓國傳統文化巧妙融合,自6月20日上架後火速席捲全球。除咗破紀錄成為Netflix有史以嚟最多人觀看嘅原創動畫 ...
hobby
【影視】Netflix原創動畫《Kpop 獵魔女團》爆紅 官方正籌備兩部續集及考慮翻拍真人版
01 Aug 2025
為回歸《Dune: Part Three(沙丘瀚戰:第三章)》再演劍術大師Duncan Idaho,Jason Momoa近日親手剃掉留咗6年嘅濃密鬍鬚,並將整個過程拍低上傳到社交平台。 blockquote class="instagram-media" data-instgrm-pe ...
hobby
【影視】Jason Momoa為拍攝《Dune3》六年來首次剃鬚:該死的,我討厭這個樣子
01 Aug 2025