- SITE MAP
- |
- CONTACT US
- |
- ADVERTISING
- |
- PRIVACY
- |
- MOBILE
- |
- RSS
今年夏天NBA休賽期絕對可以用瘋狂黎形容，一方面部份超級球星嘅續約金額已經突破2億美元，另一方面部份超級球星決定離隊他投，好似Chris Paul、Paul George、Gordon Hayward、Kyrie Irving等都轉換了一下環境，令新一季NBA嘅格局帶黎巨大嘅變化。 | |
| |
| 雖然今年夏天嘅情況已經令人感到難以置信，但係明年夏天可能會出現更驚人嘅消息，其中湖人將會喺最被受關注嘅球隊。今夏，湖人以榜眼簽成功簽入話題球員Lonzo Ball，後者喺夏季聯賽已經證明左自己嘅能力，湖人亦基本上確立左佢為球隊未來嘅核心之一。另外，湖人亦透過交易獲得籃網中鋒Brook Lopez，但其實呢宗交易嘅主要目的係為左清除Timofey Mozgov嘅垃圾合同，從而釋出更多薪酬空間。 | |
| |
| 成功獲得更多薪酬空間，但湖人今夏並無任何大牌簽約，所以可以肯定佢地將會喺明年夏天大展拳腳，憑佢地目前嘅薪酬空間黎睇，佢地明夏將可以用頂薪簽入兩位超級球星。目前為止，湖人對唔少球星都充滿興趣，好似LeBron James、Paul George、Russell Westbrook等都係佢地嘅觀察目標。 | |
| 其中唔少球評都預計LeBron James明年夏天將好大機會再次離開騎士，而佢有可能加盟嘅球隊相信就只有湖人可以滿足到佢，因為湖人隊擁有輝煌嘅歷史，同時亦處於洛杉機大市場，對於LeBron James一位咁有商業頭腦嘅人黎講，呢一點相當重要。當然，有奪冠機會亦都係LBJ考慮嘅重要元素之一，憑住現今湖人嘅陣容當然唔能夠吸引佢，但係如果上面講到嘅球星都一同降臨「紫金軍團」嘅話，相信絕對會滿足到LBJ。 | |
| |
| Paul George一 直都係Kobe Bryant同湖人嘅球迷，所以能夠為湖人隊打球將係佢嘅夢想。今年夏天，由於合同快將到期下被溜馬交易至雷霆，雖然將可以同Russell Westbrook呢位MVP聯手，但係雷霆並唔係PG所愛嘅球隊，所以當明年夏天合同到期後，相信PG一定會跳出合同，屆時加盟湖人嘅機會將非常之高。 | |
| |
| Russell Westbrook作為岩岩一季嘅MVP，佢深得LeBron James嘅喜愛，所以如果有機會LBJ將非常希望可以同Westbrook一同打球，而呢個機會可能就係明年夏天嘅湖人。自從Kevin Durant離開雷確後，呢支球隊已經變成由Westbrook一人話事，而佢喺明年夏天將可以選擇跳出合同，而為免呢位球隊第一核心離隊，雷霆其實已經為佢準備左一份頂薪合同，只要佢願意將可以獲得一份5年價值超過2億美元嘅合同。不過以目前情況黎睇，Westbrook留隊嘅可能性好大，就算湖人甚至LeBron James親自招募佢，相信佢都係更傾向留喺雷霆。 | |
| |
| 雖然Westbrook加盟湖人嘅可能性唔大，但係如果LBJ同PG都加盟湖人，再加上湖人目前嘅一班年輕球員，好似Lonzo Ball、Brandon Ingram、Julius Randle、Jordan Clarkson等，以及實力球員Brook Lopez，湖人將勢必重新成為強隊之列，甚至挑戰勇士喺西岸嘅地位。 | |