車路士作為英超衛冕冠軍，正常喺今夏應該大肆擴軍，準備喺新一季大展拳腳。但係最終藍軍並無向預期方向前進，雖然佢地都成功收購數名具實力嘅球員，但係賣走或外借嘅球員卻接近30名，令領隊干地處於接近無人用嘅境地。除此之外，上季助車路士成功奪冠功臣之一嘅迪亞高哥斯達，亦因為同干地關係破裂，導致雙方都陷於雙輸嘅局面。