{ SKIP }
文:MenClub 波特先生  圖:互聯網
POSTED ON 15 Sep 2017

今年夏天,足球轉會市場可以話陷入前所未見嘅瘋狂程度,球員們嘅轉會費每每突破新高,而且升幅更加係遠超以往嘅情況,好似尼馬嘅2.2億歐元轉會費就刷新最高轉會費紀錄,相比起去年普巴轉會曼聯時創下嘅1.05億歐元轉會費紀錄,就足足翻左一倍有多。



而尼馬呢宗刷新紀錄嘅轉會所影響嘅並唔單單係巴黎聖日耳門同巴塞隆拿,而係影響住整個轉會市場嘅跌序,因為當有球隊想買人時,被問價一方嘅球隊將會拎尼馬呢宗轉會做一個對比,然後自不然球員嘅身價就會大幅上升,一名過往可能只值數百萬歐元嘅普通球員,今夏身價都輕鬆破千萬,而平均較為受歡迎嘅球員身價都至少達到5000-6000萬歐元。


咁究竟喺一個瘋狂轉會市場關閉後,各自球隊嘅陣容成本有咩變化呢?邊支球隊會冠絕全球呢?


經過統計,今年夏天英超球隊曼城係其中一支大灑金錢買人嘅球隊,佢地一共用左2.15億鎊收購球員,因此佢地嘅陣容成本達到8.53億歐元,成為坐擁全球最貴陣容嘅球隊。


而今夏豪花2.2億歐元收購尼馬嘅巴黎聖日耳門則排名第2位,佢地嘅陣容成本只比曼城少300萬鎊,亦即係8.5億歐元。值得一提嘅係,麥巴比明夏以1.8億歐元加入聖日耳門亦被計算在今次統計當中。


排名第3嘅係紅魔鬼曼聯,佢地陣容成本為7.84億歐元,其中最貴嘅當然係黎自中場普巴。去年,曼聯排名呢項統計嘅第一位,但今夏佢地陣容成本上只係增加左6600萬鎊,所以一口氣被曼城同聖日耳門超前。


而喺睇番今次統計,前十名一共有6支英超球隊,除左曼城同曼聯之外,另外4支球隊分別係車路士、阿仙奴、利物浦同熱刺,咁樣又再一次證明英超球隊嘅財力相比其他聯賽都更加雄厚,而其他聯賽就只有最頂級嘅1-2支球隊有財力去揮金如土。另外,作為連續兩屆歐聯冠軍嘅皇馬,佢地今次只係排名第6位,陣容成本就「只係」4.97億歐元,可以話全因為佢地目前嘅主要陣容都係前幾年已經組成,近年佢地亦減少進行巨額收購,所以避開左好似今年轉會市場嘅瘋狂。


唔知經過左今夏嘅瘋狂,未來嘅轉會市場會變本加厲,定係會回復合理水平呢?


巴裔美國演員兼棟篤笑表演者Kumail Nanjiani日前在Podcast節目透露,當年佢答應出演《永恆族(Eternals)》超級英雄「金戈(Kingo)」時,就同Marvel簽咗6部電影合約,並以為會係自己未來10年嘅事業重心。點知電影上 ...
hobby
【MCU】《永恆族》失利前已簽6部Marvel電影 Kumail Nanjiani:還以為會是我未來10年的工作
25 Aug 2025
據《Bloomberg》記者Mark Gurman爆料,Apple正考慮為即將發布嘅iPhone 17 Air推出一款全新手機殼,設計類似iPhone 4時期嘅bumper case。呢款手機殼只會包住機身邊框,旨在提供基本保護嘅同時,唔會太影響手機嘅輕薄 ...
hobby
【科技】Apple正考慮為iPhone 17 Air推出邊框手機殼 類似iPhone 4的bumper case
25 Aug 2025