{ SKIP }
文:MenClub 波特先生  圖:互聯網
POSTED ON 23 Oct 2017

進入9月,大家終於度過左最炎熱嘅夏天,天氣開始慢慢轉涼嘅情況下各位做運動嘅時候亦都唔使再咁辛苦。而相信進入秋天,出黎做運動嘅朋友應該會稍稍增多,但係記得做運動都一定要小心為上,由其係某啲野做左可能會適得其反。

做運動會令你體內氣溫上升,繼而需要排汗為身體降溫,而當你完成運動嘅時候,以下5點切記要留意,做左又唔會死嘅,不過就對身體做成不必要嘅負擔,所以盡可能都唔好做啦!

1、即時坐下休息

相信呢一點唔少人都一定聽過,甚至做過。如果你曾經試過做完劇烈運動後即時坐低休息,應該有覺得暈暈地或眼花,原因係因為下肢失去肌肉收縮將血液帶回心臟,造成血壓降低,並出現腦部暫時性缺血。

2、沖凍水涼/吹風扇

由於身體處於高溫狀態,如果突然受到外界冰涼嘅剌激,身體嘅血管會立即收縮,血液循環阻力將會加大,而由於血管收縮,身體局部抗病力量下降,身體就會好容易生病,其中最易就係染上感冒同傷風。

3、飲冰水

做運動身體處於高溫狀態下,飲冰水當然非常舒暢,但係飲冰水將會令毛細血管擴張,其後會造成血壓低及大腦供血不足,對身體負擔極重,嚴重嘅話隨時引發心臟病等症狀,真係可免則免啦。

4、唔做cool down運動

對於完成大量運動嘅朋友黎講,身體已經好攰,唔少人都會跳過唔做cool down運動,但其實cool down運動將有效減少身體積聚嘅乳酸,從而達致一個緩衝作用,做完cool down運動將會令你身體減少疲累嘅感覺。

5、大量飲水

唔好以為做完運動出左一身汗,大量飲水就係好架啦,因為本身你出汗已經流失左好多鹽份,如果你呢個時候再大量飲水,你身體入面嘅鹽含量會進一步降低,繼而鈉代謝亦會失去平衡,呢個時候身體將好容易出現抽筋。另外,頭痛、嘔吐嘅感覺亦可能會一併出現。

人氣搞笑動漫《Keroro軍曹》事隔16年再度回歸,宣布明年再推全新劇場版動畫!今次仲請嚟ano同粗品攜手獻唱新主題曲,各位「愚蠢嘅藍星人」準備好出年入戲院未? iframe width="560" height="315" src="https://ww ...
hobby
【動漫】《Keroro軍曹》全新劇場版2026年夏季上映 ano聯手粗品獻唱主題曲
04 Jul 2025
由Christopher Nolan執導嘅史詩鉅作《The Odyssey(奧德賽)》仲有一年左右先上映,但首部預告片日前已聯同《Jurassic World: Rebirth(侏羅紀世界:重生)》喺北美戲院一齊播出。不過,有觀眾就偷錄咗影片,並上傳 ...
hobby
【影視】Nolan新作《The Odyssey》首部預告已在戲院播出 內容隨即被盜錄公開到網上
03 Jul 2025