{ SKIP }
文:MenClub 波特先生  圖:互聯網
POSTED ON 19 Sep 2017

今年夏天,巴黎聖日耳門成功以天價2.2億歐元收購巴西前鋒尼馬,有傳後者唔想再活喺美斯嘅陰影下,想自立門戶成為一隊之首。轉投聖日耳門後,尼馬當然地成為球隊嘅戰術核心,身邊配上卡雲尼同麥巴比,威力雖然唔可以同巴塞嘅「MSN組合」相比,但係仍然屬於歐洲最頂級嘅鋒線之一。



喺新球季踢左幾場比賽,聖日耳門呢個新攻擊組合為球隊帶黎全勝戰績,入球數更加領先全歐洲,可見佢地呢三位球員已經產生化學作用。不過,正以為事情向好個方面發展嘅時候,尼馬同卡雲尼卻傳出決裂嘅消息。


就喺岩岩個星期日一場聖日耳門 vs 里昂嘅法甲大戰期間,尼馬同卡雲尼就出現左爭射罰球同12碼嘅戲碼。其中喺比賽57分鐘嘅時候,尼馬成功喺對方禁區頂博得犯規,呢個時候尼馬同鄉丹尼爾艾維斯拎住個波,卡雲尼走埋佢身邊想要個波去射罰球,點知丹尼爾死到唔比個波佢,直到尼馬走到佢身邊個波就好自然比左尼馬。最後,罰球由尼馬主射,但係就比對方門將成功飛身撲出。


之後喺78分鐘嘅時候,麥巴比被對方球員喺禁區入面拉跌,球證直指12碼。呢個時候,卡雲尼已經拎住個波企左喺12碼點準備主射呢一球,而尼馬走到佢身邊講左幾句,明顯就係想主射呢球12碼,不過卡雲尼並無讓比尼馬射,佢拍一拍尼馬之後,尼馬亦好癮咁走出禁區。而卡雲尼呢一球最後以中楣彈出作結,爭完都係得個吉。


其實喺比賽入面爭射罰球同12碼嘅例子唔少,但係爭到雙方都咁唔高興就真係好無謂,好彩嘅係最終聖日耳門仍然以2:0擊敗對手,否則佢地兩個可能都會好後悔。



睇番尼馬以往喺巴塞嘅時候,基本上12碼都會由美斯主射,但係事實上美斯卻經常主動將射12碼嘅機會讓比尼馬,令後者獲得更多入球機會,從而增加其信心及狀態。就算尼馬射失12碼,美斯都唔會去怪責佢,更加會走埋佢身邊攬一攬佢鼓勵佢。唔知宜家嘅尼馬,會唔會有少少掛住美斯呢?而佢同卡雲尼嘅關係會唔會就係咁決裂,甚至喺未來球隊會因為尼馬嘅關係賣走卡雲尼呢?


Robert Downey Jr. (RDJ) 以及 Ryan Reynolds都係充滿個人魅力及性格嘅當紅演員,不過或者就係因為佢哋太有性格,所以近日就傳出二人於《Avengers: Doomsday》嘅片場中炒大鑊,甚至要Marvel介入先平息事件。另一方面 ...
hobby
【影視】網傳RDJ與死侍於《Doomsday》片場炒大鑊 消息人士闢謠:「佢兩個都無見過面」
28 Aug 2025
1 最近一款以港式警匪片為題材嘅雙人合作遊戲《港警成雙:來自城寨》公開首部預告,除咗還原出舊式唐樓、九龍城寨、霓虹街道等香港特色場景,仲要有爆晒粗嘅粵語配音對白,而且兩位主角仲有啲似甄子丹同劉德華... ...
hobby
【電玩】 雙人合作遊戲《港警成雙:來自城寨》預告公開 港產警匪片劇情+粵語配音+港式武打
27 Aug 2025