【亞室運】謝幕！「美人魚」歐鎧淳為港隊奪3金2銀！

文：MenClub 波特先生　　圖：互聯網
POSTED ON 26 Sep 2017

今年亞室運香港隊表現出色，喺多個項目都成功奪獎而回，而其中岩岩完成所有賽事嘅香港泳隊以4金5銀5銅完美謝幕，而隊中嘅「美人魚」歐鎧淳則掃走當中嘅3金2銀，表現令人相當滿意。

現年25歲嘅「淳美人」，今屆亞室運一共參加5個項目，其中包括4x50米混合接力、4x100米混合接力、100米背泳、4x100米自由泳接力及4x50米自由泳接力。

喺今次賽事較早時間，歐鎧淳成功助港隊先在4x100米自由泳奪得銀牌，其後更在4x50米奪得金牌。

但較為可惜嘅係，喺4x50米自由泳接力項目，歐鎧淳被排任最後一棒，而當時到歐鎧淳個一棒嘅時候香港隊僅落後中國隊0.05秒排名第2，其後雖然歐鎧淳盡全力游出港隊4人當中最快嘅時間，但仍然追唔上中國隊最後一棒，最終港隊以0.1秒之差落敗，只能獲得一面銀牌。對於自己未能奪金，歐鎧淳非常自責，佢覺得係自己失誤導致失去金牌的。


幸好呢次失金並未影響歐鎧淳，佢喺之後嘅比賽成功調整心情，最終為港隊再添上兩面金牌，其中包括100米背泳及4x100米混合泳，個人合共奪得3金2銀。