{ SKIP }
文:MenClub 波特先生  圖:互聯網
POSTED ON 10 Oct 2017

高治呢位球前鋒相信喺唔少球迷心目中都有一個較為突出嘅形象,呢個突出嘅形象就係其身高,因為佢嘅身高達到2.01米,而亦有球迷曾笑言高治係得個「高」字。不過,近日呢位前鋒卻憑住身高優勢成功打破健力士世界紀錄,成為英超歷史上用頭搥攻入最多入球嘅球員。

2015年5月,效力史篤城嘅高治成功打破由傳奇英格蘭前鋒舒利亞創造嘅46記英超球搥入球紀錄,之後佢再用頭搥攻入4個入球,令這個紀錄看似可以保持一段較長嘅時間。
目前為止,高治喺英超已經征戰左15個球季,佢用頭搥一共轟下51個入球,而綜合計算佢喺英超則一共攻入105球,這代表佢英超生涯嘅入球接近一半係黎自頭搥。另外高治亦曾為英格蘭國家隊上陣42場攻入22個入球,平均唔使2場就可以攻入1球。
對於成功打破健力士世界紀錄,高治亦感到相當高興,並對此感到相當自豪。高治又表示,如果你係作為一名正前鋒,你就應該留喺對方嘅禁區入面,隨時準備好迎接隊友嘅傳球,而咁樣就係佢一直以黎嘅打法,佢亦覺得自己永遠唔會改變。
明顯高治能夠攻入咁多頭搥,佢嘅身高絕對係原因之一,不過外界亦有唔少批評亦有高治並無充分利用佢嘅優勢,否則佢將可以獲得更大嘅成就。
 
高治生涯曾效力多支球隊,其中最為人熟悉嘅相信就喺佢利物浦嘅時期,雖然只係短短效力左3季,但係就攻入左42個入球,表現算係相當不錯了。其後黎到更多利用高空波轟炸嘅史篤城,高治能夠更加發揮佢身高上嘅長處,最終寫下呢一份榮譽。
如果《John Wick 5》冇Keanu Reeves嘅話,仲能唔能夠吸引觀眾入場呢?
hobby
【影視】獅門影業確定製作《John Wick 5》 Keanu Reeves會否回歸仍然是謎
17 Mar 2025
Christopher Nolan嘅下一部大作《Odyssey》星光熠熠,單單係Matt Damon、Tom Holland、Anne Hathaway、Zendaya等演員名單就已經夠吸引大家入場。但除咗電影公佈嘅首張劇照確認Matt Damon會出演主角奧德修斯(Odysseu ...
hobby
【影視】Nolan《Odyssey》角色名單曝露 荷蘭仔、麥迪文演父子 Zendaya飾雅典娜
17 Mar 2025