{ SKIP }
文:MenClub 波特先生  圖:互聯網
POSTED ON 11 Oct 2017

上季奪得兩項主要錦標嘅皇馬今季季初有啲脫腳,目前喺西甲7戰過後已經落後第1位嘅巴塞多達7分,其中喺C朗拿度停賽期間,被寄予厚望嘅巴利並無發揮應有嘅表現,而更令人失望嘅係佢再一次受傷,當日以為可以成為美斯同C朗之後嘅超級巨星,但今日睇黎佢已經難以再突破。而最新嘅消息更指,皇馬方面已經對巴利失去耐性,佢地已經為到巴利嘅離隊開綠燈,佢嘅下一站好大機會係英超嘅曼聯。

現年28歲嘅巴利,本來係皇馬重要嘅一員,但多次嘅受傷已經不斷減弱緊佢喺球隊嘅重要性,再加上曼聯領隊摩連奴一直對巴利感相當大嘅興趣,所以有西班牙媒體建議皇馬認真考慮將巴利賣比摩帥。
對於摩連奴黎講,佢一直都對巴利有唔少興趣,但佢深明巴利嘅傷勢可能無辦法100%完全康復,同時佢又一直要求佢手下嘅球員盡全力喺球場上跑動,而呢一切都係巴利難以控制的,所以最終會否真係將佢購入真係未知之數。
另外,當日巴利加盟皇馬時嘅轉會費為8500萬鎊,而換轉成今日巴利嘅價值將達到8930萬鎊。對於皇馬黎講,佢地已經唔太需要依賴巴利,好似上季季尾歐聯重要階段,佢地都喺巴利缺陣下奪得冠軍,因此將佢賣走換黎巨額金錢絕對是考慮得過的。
除此之外,喺巴利缺陣嘅情況下伊斯高已經成功搶走對方嘅正選位置,其出色嘅創造力及入球能力,令領隊施丹對佢投下信心嘅一票。另外小將阿辛斯奧亦已經向世人證明自己嘅能力,而其潛力亦極之巨大,因此有以上兩人的話,巴利確實已經越黎越失寵。
既然喺皇馬已經開始失去自己嘅位置,巴利確實可以考慮離隊他投,重返英超佢將唔需要重新適應一個新嘅聯賽,而摩連奴亦都係一位相當識用人嘅教練,佢有可能令巴利容光煥發,再次發揮佢應有嘅實力。
一眾影迷等到頸都長嘅《Black Mirror》第7季終於有消息!今季探討嘅議題繼續緊貼時事熱話,包括人工智能、虛擬世界,電玩遊戲以及大量未來科技gadgets,並延續系列一貫暗黑風格。 iframe width="560" height="3 ...
hobby
【影視】人氣科幻驚悚劇《Black Mirror》第7季預告出爐!確定4月10日正式播出
14 Mar 2025
Christopher Nolan新作《The Odyssey(奧德賽)》正在希臘拍攝得如火如荼,最近網上就流出多張片場照,可以見到Tom Holland身穿全套戲服,全神貫注拍攝水上戲份。 blockquote class="twitter-tweet"p lang="en ...
hobby
【影視】Nolan新作《The Odyssey》片場照流出 Tom Holland造型首度曝光
14 Mar 2025