【絕對領袖】生死戰，美斯：「我們要用盡最後一粒子彈..」

文：MenClub 波特先生　　圖：互聯網
POSTED ON 24 Oct 2017


阿根廷喺世界盃南美洲區外圍賽最後一場成功以3：1逆轉擊敗厄瓜多爾，奪得直接出線決賽週資格，第一功臣必定係個人大演帽子戲法嘅美斯，差唔多可以話係佢一個人將阿根廷由出局邊緣拉番番黎的。而其實除左喺場上嘅個人表現外，美斯其實亦都係絕對嘅領袖，全靠佢嘅鼓勵球隊先可以奮力一戰，最終成功出線。

有阿根廷球員透露，喺外圍賽尾二一場比賽同秘魯踢成0：0後，球隊要出線變得相當困難，球員上下士氣都相當低落。而就喺呢個時候，美斯就係第一個走出黎鼓勵球隊嘅人，佢向隊友表示：「一切都會好的，我地要用盡最後一粒子彈，一定要好好利用佢。」就係美斯嘅說話，成功鼓勵一切隊友再次變得正面。

美斯作為5次金球獎得主，佢喺球會層面已經獲得可以獲得嘅所有榮譽，唯獨欠一個世界盃冠軍，而佢喺阿根廷嘅表現往往都無喺巴塞咁好，又無帶隊拎到咩重大標錦，因此收到唔少外界嘅批評。就係外圍賽最後一場比賽前，相信壓力最大個一位絕對就係美斯，試想想如果阿根廷最終出局，美斯會受到咩程度嘅攻擊？不過美斯可以頂住壓力，仲成為鼓勵隊友個一位，真係一啲都唔簡單。