{ SKIP }
文:MenClub 波特先生  圖:互聯網
POSTED ON 06 Nov 2017

唔知各位球迷有無玩開著名足球遊戲《Football Manager》(簡稱FM)呢?呢個遊戲雖然唔會好似《FIFA》咁可以自己控制球員,但係你就會以領隊身份去帶領球隊,當中買賣球員、同球員交流、訓練等全部都會由你一腳踢處理,細致程度絕對係玩過嘅人先會明白。不過由於有陣時每日只係處理球隊雜務咁,長期玩落去可能會感覺有啲單調,所以唔少人玩幾季就會想放棄。雖然係咁,有一位外國玩家卻長期沉迷玩FM,並且成功打入健力士世界紀錄大全!

呢位打入健力士世界紀錄大全嘅玩家係牛津聯嘅Fans名叫Seb Keenan,現年26歲,佢今次創下嘅紀錄係單人版最長賽季FM紀錄,遊戲版本為《FM 2010》,佢一共喺遊戲入面經歷左170個賽季,而現實佢則花費左6個月時間去完成。
Keenan每日用上7小時去玩FM,6個月之後遊戲成功跨越170個賽季,如今成功打入世界紀錄,Keenan感到非常高興,而佢嘅朋友更加稱呼佢為「傳奇」。更令香港唔少打機朋友羨慕嘅係,Keenan嘅爸爸對於兒子打入健力士感到相當自豪,而能夠做到其他人沒有嘅成就,Keenan亦感到相當奇妙。

而在Keenan這個170個球季嘅save入面,佢首先擔任嘅係哈德斯菲爾德嘅領隊,喺佢嘅帶領下球隊成功奪得英超及歐聯冠軍。之後,Keenan又擔任了昆士柏流浪嘅領隊25年,其後他又到巴塞及皇馬擔任領隊,其中皇馬更以佢個名黎名命球場。

離開巴塞後,Keenan走左去執教佢嘅愛隊牛津聯,然後係佢嘅帶領下球隊連續6次贏到歐聯冠軍。直至佢停止一刻,遊戲入面嘅Keenan已經190歲,理論上其實應該已經係一個死人啦...
荷里活巨星Johnny Depp日前接受《The Times》專訪時,罕有地提起與前妻Amber Heard嘅世紀官司。回想起
hobby
【影視】Johnny Depp罕談世紀官司 自嘲是MeToo運動前的實驗品
25 Jun 2025
Pixar動畫工作室新作《外星奇遇記(Elio)》上周五在北美正式上映,開畫首周未三日僅收2,100萬美元票房遜預期,而海外票房亦同樣慘淡,難道Pixar原創動畫嘅號召力已不復當年勇? 據票房統計網站《Box Mojo ...
hobby
【影視】《外星奇遇記》北美首周末票房僅收2100萬 創Pixar史上最差開畫紀錄
25 Jun 2025