{ SKIP }
文:MenClub 波特先生  圖:互聯網
POSTED ON 10 Nov 2017

今季嘅NBA可以話有唔少重大嘅變動,其中服飾主要贊助商由adidas轉為Nike,不過Nike近期應該都幾煩,因為唔少球星嘅球衣喺比賽入面相繼出現問題,好似會被輕易扯爛又或爆裂等等。而除左以上呢個問題,另一個可能較被忽略嘅情況,就係有部份唔係Nike旗下代言人嘅巨星正出盡辦法去避免自身出現Nike嘅Logo。

與以往adidas做服飾贊助商時唔同嘅係,如今Nike被准許喺球員比賽球衣上印上Nike一剔嘅Logo以及廣告贊助商嘅Logo。另外,Nike亦已經取代Stance公司成為NBA指定襪子嘅供應商,當然Nike提供比球員嘅襪上同樣係印有一剔嘅Logo。
不過,由於襪子嘅位置與球星穿著嘅球鞋非常接近,而如果該名球員並唔係Nike旗下代言人,例如Stephen Curry(Under Armour)及James Harden(adidas),佢地就唔會想自己嘅球鞋附近出現Nike嘅Logo。有見及此,佢地有自己嘅方法去處理呢個尷尬情況,其中Curry同Harden就將襪頭位置捲埋佢,令Nike嘅Logo消失。而Harden近日最新嘅做法更加撤底,就係直接將襪頭有Nike Logo嘅部份剪走。
對於Curry同Harden呢種做法,NBA目前並無明文規定,因此佢地咁樣對襪子並無違規,但係咁樣對於Nike黎講可能就相當失望,因為佢地可是花左10億美元去同NBA簽左8年合約,但係兩位超級巨星卻Cut走左佢地用黎作宣傳嘅地方。預計一直為NBA著想嘅總裁Adam Silver一定會正視呢個問題,可能好快就會有新嘅規則去限制球員隱藏Nike Logo,屆時一眾非Nike代言人唔知仲可唔可以見招拆招呢?
「小愛」退役了...
hobby
【台灣媳婦】日本乒乓「女神」福原愛宣佈退役
22 Oct 2018
Triangle法國式簡約美 AIO 3流動床頭喇叭音響 Triangle三角形係法國其中一間為人熟悉的喇叭品牌,有年資的音響玩家應該聽過其大名,三角的喇叭一向主打實而不華,聲音偏向通透清晰,走中性淡味路線,而且價格相 ...
hobby
Triangle法國式簡約美 AIO 3流動床頭喇叭音響
22 Oct 2018