【尷尬到唔敢睇】足球場上唔入仲難過入嘅機會！

文：MenClub 波特先生　　圖：互聯網
POSTED ON 20 Nov 2017


幾時都話，喺足球比賽入面其實係無必入球的，就算12碼都係會有射失嘅機會，甚至面對空門都係有機會唔入的。空門，顧名思義就梗係面對一個已經無門將嘅龍門框，球員只需面對呢個咁大嘅龍門框踢一腳就可以入波，但係往往呢種看似最簡單嘅入球機會都唔係100％可以肯定得手的。

強如美斯、C朗、尼馬、朗拿甸奴等巨星都有曾經令佢地尷尬萬分嘅空門射失鏡頭，可想而知其實射失空門都唔係話好罕見。

如果要數最令人印象深刻嘅一次射失空門，相信傑斯應該都必定係前三嘅選擇。喺2003年，當時曼聯同阿仙奴喺足總盃第5圈碰頭，以正當雙方踢成0：0期間，憑住隊友嘅長傳傑斯成功撕破阿仙奴嘅防線，就算門將出營都阻止唔到傑斯，最終傑斯面對前面空無一人嘅龍門框，佢右腳一射球竟然越門楣而過。

而近日，一場女子歐聯賽事，就又再上演空門失機嘅戲碼。當時黃衫三位球員成功反越位得手面對空門，誰不知其中兩人因爭波撞埋一齊並且倒地，最終呢個黃金機會被對方輕鬆解圍。