{ SKIP }
文:MenClub 魏文青  
POSTED ON 13 Nov 2017
以綿羊仔黎講,意大利廠商Piaggio 出嘅Vespa出嘅綿羊仔復古得黎又小巧可愛,加上喺某個MV中被某個靚仔男Model揸過,所以深受少女、文青們喜愛。而近日佢哋仲宣佈會推出牌牌首隻「電羊」,可愛得黎又環保,成陣「嘻皮味」撲面而來呀!

Vespa嘅電羊叫「Electtrica」,據說航程為100km,睇落好似都唔少,但其實比起同廠嘅50cc汽油引擎款嘅280km少將近三份二,所以就連官方宣傳物料都話佢「適合市內代步」。Piaggio同時亦話Electtrica嘅性能表現會比汽車引擎好,相信係指電動摩打幾乎即時出現嘅高扭力會適合市內走走停停嘅行駛模式。

揸電車最麻煩就係電池同充電。Piaggio指Electtrica以普通插座充電都可以於4小時內完成,而電池壽命就理應可以捱到五萬至七萬公里,但同時佢亦警告電池在充電大概一千個循環之後,電量就減少至原有嘅八成——睇落好唔安心呀可?所以佢哋都有推出以汽油發電機為電池充電嘅「混能版」,航程即刻增加至200km。

Electtrica亦會以4.3吋TFT顯示屏取代頗有標誌性嘅儀表板,用家亦可以透過APP黎監控車輛情況、定位、以及連接部車黎睇Message同來電。Vespa仲會出多個藍芽頭盔,等駕駛者可以以語音控制部份電話功能。
雖然航程或者係問題,但Electtrica睇落都係一部相當實在嘅「電羊」新嘗試。預計2018年發售,但就未公佈價錢。
Vespa
經典恐怖電影系列《恐懼鬥室》在2023年推出第10集《恐懼鬥室X》,難得喺爛番茄獲得正面評價並斬獲1.12億美元。片商獅門影業見勢頭好,亦即刻宣布開拍續集。不過,最近有消息指由於製片人之間出現拗撬,電影已擱置製 ...
hobby
【影視】消息指《恐懼鬥室11》因製片人內訌導致取消製作
18 Mar 2025
如果《John Wick 5》冇Keanu Reeves嘅話,仲能唔能夠吸引觀眾入場呢?
hobby
【影視】獅門影業確定製作《John Wick 5》 Keanu Reeves會否回歸仍然是謎
17 Mar 2025