{ SKIP }
文：MenClub 波特先生　　圖：互聯網
POSTED ON 13 Nov 2017

對於紐約人嘅球迷黎講，過去幾季一直都處於黑暗期，球隊無法打入季後賽，再加上戰績惡劣，隊內又問題多多。而黎到今個夏天，紐約人管理層決定整頓球隊，黎一次大刀闊斧嘅改革，佢地首先賊退令球迷不滿嘅總裁「禪師」Phil Jackson，然後又將多年黎嘅核心Carmelo Anthony交易掉，以「獨角獸」Kristaps Porzingis作為新基石重建。
正以為球隊需要一段時間黎重建之際，Porzingis今季撤底解放，目前場均高達30.4分(場均得分排名聯盟第3)，足足比上季增加左12.3分，另外佢仲有7.3籃板1.1助攻2.3封阻0.4抄截，而各項命中率亦達到生涯新高。另外值到一提嘅係Porzingis嘅場均上陣時間只有32.3分鐘，係得分榜前6位球員當中最少的，說明佢嘅效率有幾高。更重要嘅係，喺Porzingis嘅帶領下，球隊目前取得7勝5負嘅戰績，排名東岸第6位，好有機會相隔5年後重返季後賽。

憑住出色嘅表現，Porzingis已經為為紐約人球迷心目中嘅MVP，如果佢一整季都可以保持咁嘅表現，再加上球隊戰績出色，成功打入季後賽的話，咁樣Porzingis真係有機會挑戰MVP獎項。
而究竟Porzingis如今喺紐約有幾受歡迎？佢嘅影響力有幾大？以下呢個例子相信會話到比你知。
 
近日，紐約市進行著市長選舉，最終結果由大熱門現任市長Bill de Blasio成功連任。呢個結果可能無乜特別，但特別嘅係有選民竟然喺選票上寫上Kristaps Porzingis個名，當然Porzingis並無參選，而亦都無其他競選者係叫呢個名，明顯呢位選民只係想揀能夠代表紐約市嘅人物。而呢張看似笑話嘅選票，其實側面說明Porzingis如今已經成為紐約市嘅寵兒。

而有趣嘅係，當得知有選民竟然喺投票時寫上自己個名，Porzingis回應：「這很有趣，而我亦已經準備好做呢份工，人們真係有太豐富嘅想像力。」當然Porzingis只係講笑，但係如果未來佢一直喺紐約人效力至退役，退役後嘅佢又會唔會真係選擇從政呢？回想起當日Porzingis嘅選秀日(2015年)，當紐約人決定以4號簽去揀呢位黎自拉脫維亞嘅巨人，唔少球迷都相當不滿，甚至有球迷激動到喊，但黎到今時今日，Porzingis已經成為佢呢一屆新秀入面最成功嘅其中一人，實在係憑住佢自身嘅努力先可以達到成就！
COMMENT
 
Pokemon迷都應該等緊Switch 喺11月16日
hobby
周邊產品都有周邊產品
21 Oct 2018
2002年世盃意大利vs南韓，絕對是足球界最黑暗的一天！
hobby
【回憶2002世盃】馬甸尼：「從未試過如此憤怒！」
19 Oct 2018