Eminem近期頻頻曝光，繼我哋都有報導過、於BET頒獎上對美國總統特朗普嘅「Diss Track」；又發佈與Beyonce合唱嘅新歌《Walk On Water》；再於2017 EVMAs頒獎台禮改為與美國女歌手Skylar Grey合唱，亦係首次現場演唱呢首理應係新碟《Revival》嘅主打歌。由於呢個版本非常受歡迎，二人更登上美國著名深夜綜藝節目《Saturday Night Live》再次演唱，仲送多首經典名曲《Stan》添！

有別於對「侵侵」充滿憤怒嘅Diss Track，《Walk On Water》以Eminem本人於2009年復出之後遇到嘅問題出發。歌名源自馬太福音嘅其中一段，原意真係指耶穌能夠於水面上行走，衍生出「大能」之意。但Eminem嘅用法就啱啱相反，係想講雖然好多人都覺得佢係「神」，但其實佢並無大家想像中全能。

值得一提嘅係《Walk On Water》原曲搵黎Beyonce合作，又係良久以來Eminem首次公佈、現場演唱嘅新歌，所以坊間都推測此曲會係理應於17號推出嘅大碟《Revival》主打歌。但即使經過多番宣傳，《Walk On Water》嘅表現都未符預期，所以有指Eminem推遲大碟推出時間，就係為咗重新規劃宣傳策略。於Eminem嘅官網上嘅《Walk On Water》介紹都冇咗「《Revival》首隻單曲」等字眼。對樂迷黎講就可能代表黎緊Eminem都仲會繼續出鏡做第二波宣傳啦。