喺足球比賽入面，戰術總係五花八門的，教練需要按手頭上嘅球員安排最適合球隊嘅陣式。而其中翼鋒就係出任球隊左右兩邊大多擁有高速盤扭能力嘅球員，佢地可以憑住個人速度直爆落底線，然後出波為禁區內嘅隊友製造入球嘅機會。當然，部份翼鋒除左落底出波之外，個人入球能力亦相當高，好似C朗拿度咁。而當一支球隊左右兩邊球員都擁有相同能力嘅時候，我地可以稱呼佢地「雙翼齊飛」。