{ SKIP }
文:MenClub 波特先生  圖:互聯網
POSTED ON 07 Dec 2017

巴西傳奇「細哨」朗拿甸奴近兩年已經無再參加任何足球賽事,因此近日佢就宣佈將計劃喺2018年正式掛靴,結束球員生涯,開展自己嘅新一頁!

作為2005年嘅金球獎得主,朗拿甸奴自從2015年9月離開巴甲球隊富明尼斯後,就一直無班落。雖然無繼續踢任何足球聯賽,但係呢位傳奇就無離開足球,佢喺呢段期間不斷協助推廣唔同類型嘅足球賽事,好似室內5人足球等等。
「細哨」接受媒體訪問時表示:「我想這是一個機會,明年我想我就會正式告別足球。我可能會回到曾經效力過嘅球隊進行告別賽,呢一點我同我嘅團隊仲係考慮當中。當我正式退役後,我將會投身到我嘅音樂計劃及足球學校。呢啲對於我黎講都係較新嘅事,我將需要重新適應。」
現年37歲嘅「細哨」,其足球生涯可以話係輝煌至極,佢算得上係朗拿度嘅繼承人,係巴西球王之一。呢位傳奇生涯由巴甲球隊甘美奧開始,然後喺歐洲效力過巴黎聖日耳門、巴塞隆拿及AC米蘭三支大球會,其中2005年佢成功奪得金球獎及世界足球先生,並喺2006年帶領巴塞奪得歐聯冠軍,達到其生涯巔峰。
國家隊方面,2002年佢聯同朗拿度及李華度組成3R組合,一路帶領巴西殺入世界盃決賽,並以2:0擊敗德國,第5次奪得世界盃冠軍。
「細哨」雖然擁有極高足球天賦,但卻喜愛玩樂,所以對自己身體並無嚴加看管,導致其生涯好快就出現下滑。不過,「細哨」帶比球迷嘅除左其超高超足球技術之外,就係其對足球嘅喜愛,佢比賽期間總係會掛住笑容,睇佢踢波就係會覺得好開心,所以外界都稱「細哨」踢嘅為「開心足球」,希望佢呢份對足球嘅熱愛可以繼續承傳落去,帶比球迷更多快樂啦!
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024