{ SKIP }
文:MenClub 波特先生  圖:互聯網
POSTED ON 12 Dec 2017

2017年就快過,網球壇本年度嘅賽事較早前喺倫敦舉行嘅年終賽過後已經完結,睇番呢一年兩大天王費達拿同拿度可以話以驚人嘅姿態再次君臨球壇,佢地各自奪得兩項大滿貫,唯獨年終賽錦標費達拿卻喺4強止步,而冠軍則由迪米特洛夫奪得。其實除左球手奪得嘅錦標數目外,有部份數據相信球迷都相當有興趣,其中包括球手全年嘅Ace球數量。

如果有留意開網球壇嘅,現役最強嘅Ace球之王並唔係四大天王,而係現年32歲,世界排名第17位嘅美國球手John Isner。喺2017年入面,Isner一共參加左57場比賽,總計開出1123記Ace球,領先全年參加55場比賽第二位嘅Sam Querrey 381球,呢個差距真係唔係講玩。再睇番今年參加左57場比賽嘅「瑞士天王」費達拿,佢今年一共開出550記Ace球,排名第10位。
Isner被認為係現役最強嘅Ace球之王,並唔單單係因為今年嘅Ace球表現出色,佢更加係2010、2012、2013、2016年嘅全年Ace球之王,因此加上今年佢已經5次登上全年Ace球之王。而Isner嘅生涯,一共喺555場比賽入面開出9724記Ace球,平均1場比賽開出17.5記Ace球,排名歷史第4位。
能夠擁有咁強嘅開Ace球能力,全因為Isner擁有比平常網球手高得多嘅身高,呢位美國選手身高達到6呎10吋,所以佢可以擁有比平常球員更高嘅擊球點,開出嘅發球威力要比正常誇張得多!
而排名Ace球歷史第一位嘅,係現年38歲黎自克羅地亞嘅Ivo Karlovic,佢生涯一共喺630場比賽入面開出12302記Ace球,平均1場比賽入面開出19.5記Ace球。排名歷史第2位嘅,則係費達拿,佢生涯參加左1324場比賽開出10284記Ace球,平均每場開出7.8記Ace球,相比以上兩位球員場均Ace球卻要少得多。
著名英國重炮發球手羅迪克,則以以776場比賽開出9068記Ace球排名歷史第5位。值得一提嘅係,「泥地王」拿度生涯只係開出過3056記Ace球,排名歷史第79位。
「亞洲玩具展」TOYSOUL 2018玩具相集巡禮 12月14日開始的一連三日「亞洲玩具展」TOYSOUL 2018 已經開幕左,場內人頭湧湧,大量玩具迷入場掃貨,得閒你可以去睇下,唔得閒都無計,我影少少給大家睇下,如果真 ...
hobby
「亞洲玩具展」TOYSOUL 2018 玩具相集巡禮
15 Dec 2018
美斯成功征服皮利斯個心!
hobby
皮利斯:「我曾與施丹及亨利做隊友,但美斯係與別不同的。」 ...
14 Dec 2018