【重量級拳王大戰】Joshua vs Parker 最快3月底開戰！

文：MenClub 波特先生　　圖：互聯網
POSTED ON 01 Jan 2018


目前現役嘅重量級「不敗拳王」有三人，佢地分別係Deontay Wilder、Anthony Joshua及Joseph Parker，佢地三人都手持各自代表協會嘅世界拳王金腰帶，因此如果佢地三人當中有兩人能夠進行一次決鬥，咁樣呢場將必定係年度最受矚目嘅比賽。而各位拳迷可能唔使等好耐，呢場「最強對最強」嘅重量級賽事，最快好可能會喺2018年3月底進行！

據報導指，Joshua及Parker嘅團隊已經對賽事進行商討，兩位拳王預計最快會喺2018年3月底進行呢場死鬥。兩位拳王進行對決，將必定引來拳迷們嘅熱烈追捧，因此相信佢地獲得嘅報酬必定相當可觀，消息就指Joshua將可以憑住比賽獲得1300萬美元嘅收入。

對於Joshua黎講，佢嘅終極目標係挑戰Wilder，以尋求同時獲得WBO、WBA、IBF及WBC四條拳王金腰帶，要知道喺拳擊歷史中係從來無任何一名拳手可以同時獲得4條金腰帶的。

今次Joshua vs Parker嘅比賽，時間暫時定喺3月31-4月28日期間進行，而可能嘅比賽地點將會喺倫敦、曼徹斯特或卡迪夫城。而拳手之間亦有一啲協議，其中包括如果呢場比賽由Parker勝出的話，咁Joshua將可以自動複賽。不過，有關Joshua勝出嘅條款，Parker方面暫時未有決定。

究竟兩位重量級拳王進行對決，會帶黎一場點樣嘅比賽呢？真係好期待呀！！！