{ SKIP }
文:MenClub 波特先生  圖:互聯網
POSTED ON 09 Jan 2018

如果要你第一時間諗世界最有錢嘅足球員,我諗正常都會講C朗、美斯或者碧咸,咁都正常嘅,因為好似C朗目前除稅後週薪達到36.5萬鎊,而身家則達到2.5億鎊,美斯簽下新合同後,週薪就更加係達到50萬鎊,而其身家亦達到2.3億鎊,所以如果話比你知佢地唔係最有錢嘅足球員,你可能都唔係太信。不過,事實上佢地都真係唔係最有錢嘅足球員,因為有一位球員坐擁嘅財富絕對唔係兩位當世巨星所能媲美的,而佢就係李斯特城19歲小將Faiq Bolkiah。

你可能會驚訝:「唔係掛,19歲我就連佢係乜水都唔知,佢會比美斯C朗仲有錢?」係呀,事實真係咁,因為Bolkiah並唔係普通人,佢雖然喺美國出世,但其實係一位汶萊人,而且更加係汶萊皇室嘅一員。
 
Bolkiah嘅伯父,就係汶萊蘇丹國王Hassanal Bolkiah,曾組嘅世界第一首富,而Bolkiah嘅爸爸Jefri Bolkiah就係Hassanal Bolkiah嘅弟弟。外界估計,Hassanal Bolkiah目前嘅身家大慨有200億美元,而Jefri雖然及唔上自己嘅哥哥,但其身家亦絕對唔少,有傳佢就曾經單單喺一個月入面因為名車、名錶及鉑金筆而用左3500萬鎊。目前黎講,其家中擁有2300部名車,當中包括法拉利、勞斯萊斯等等。
Faiq喺美國拉斯維加斯嘅屋企,佔地超過10萬尺,一共有92個房間、29間睡房、42個浴室等等。
而亦有消息指,喺Jefri50大壽當日,其家族為佢興建左一個表演場館,並以1250萬鎊邀請左已故「天王」Michael Jackson去為其表演,可想而知佢地使錢有幾咁闊綽。
因此,Faiq背後其實講緊嘅係有一個超過200億美元嘅家族大靠山,而未來佢將可以繼承嘅財產將育定超過美斯同C朗嘅身家。不過你可能會問,咁有米仲使鬼踢波咩。事實係,Faiq卻係非常熱愛足球,而其父母就為此全力協助佢成為一名全職足球員。
Faiq表示,其父母都非常支持佢成為足球員,並喺佢細個嘅時候已經為佢安排進行唔同嘅訓練,令佢無論身體定係心理都能夠達到職業球員嘅高度。
Faiq喺2009年加入AFC Newbury球隊進行青訓,其後先後到過修咸頓、阿仙奴、車路士及李斯特城嘅青訓,最終喺2016年正式同李城簽約成為全職球員。雖然至今Faiq仲未有機會為李城上陣,但係作為中前場球員嘅佢其實擁有不俗嘅速度及控球能力,唔知今季會唔會有機會見到佢上陣呢?
本週五一連三日年度「亞洲玩具展」TOYSOUL 2018啟動 各位熱愛玩具的大人,第五屆的《TOYSOUL亞洲玩具展2018》將會係週五(12/14)開始一連三日假九龍灣國際展貿中心匯星(Star Hall)舉行。任何對不同比例的收藏人 ...
hobby
本週五一連三日年度「亞洲玩具展」TOYSOUL 2018啟動
13 Dec 2018
【銀河唯一】美國影視界將會Reboot咸蛋超人系列 美國跨媒體製作人Starlight Runner Entertainment已被東京的Tsuburaya Productions 委以重任將會於日本以外重建日本超人系列的新神話,其中包括可能開拍電視劇等 ...
hobby
【銀河唯一】美國影視界將會Reboot咸蛋超人系列
12 Dec 2018