{ SKIP }
文:MenClub 魏文青  
POSTED ON 12 Feb 2018
作為一個返工對住電腦、放工返屋企又對住電腦嘅正常香港人,一隻就手、舒服、精準嘅滑鼠可以話係至關重要,亦有啲人因為工作方便而鍾意用觸控板/筆,你又有冇諗過兩者溝埋一齊會係點呢?
於Kickstarter上集資緊嘅「Tmouse2」就係集兩家之大成於一身。Tmouse大小同一隻正常滑鼠差唔多,但就將左右鍵嘅位置挖空,並放上一個小型觸控板、轉頁鍵、DPI選擇同中鍵(即係平時滾輪按下),原本嘅左右鍵則搬到凹位靠近掌心嘅一面。據佢哋所講呢個設計有幾個好處,首先係左右鍵嘅位置更符合人類手掌放鬆時嘅角度,能減少長期使用嘅疲勞;第二就係轉頁鍵由常見嘅上下排列於拇指旁邊,變成水平排列於食指前方,能更直覺地使用(上下排列嘅轉頁鍵通常係向上嘅一個去下一頁,向下嗰個反而係去上一頁,就唔就手見仁見智)。

另外以中指操作嘅觸控板就大致取代正常滑鼠有嘅滾輪,好處係除咗可以上下碌,仲可以打橫碌,對於平時要用Excel嘅打工仔黎講應該相當方便。佢哋亦指較為收緊嘅握法會令用家更寄易操控滑鼠,就算係畫圖、甚至打機都可以有更好表現喎。

如果你覺得佢講得啱,又想試下Tmouse2,目前於Indiegogo嘅早鳥價只係需要49USD,即係400銀港紙唔使,預計5月出貨。

最後都係嗰句,眾籌有一定風險,大家要小心選擇呀。

Indiegogo
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024