{ SKIP }
文:MenClub 魏文青  
POSTED ON 10 Jan 2018
八十後男仔細個一定有玩過數碼暴龍機,二十年後嘅今日你想玩返,除咗摷返部舊機出來之外,亦可以買Bandai推出嘅二十週年復刻版。而繼上年推出復刻初代數碼暴龍機之後,Bandai近日又推出復刻版超.數碼暴龍,即係有得Chok嗰部呀!
超.數碼暴龍機同初代數碼暴龍機最大嘅分別係加入「Chok機」玩法,利用搖機次數決定訓練、對戰成果,甚至仲會影響進化。復刻版超.數碼暴龍機有「灰+藍」同「灰+黑」兩種顏色,冇記錯亦即係超.數碼暴龍第一代時嘅同款。內裏收藏超過200隻超.數碼暴龍年代嘅數碼精靈,每一隻色亦有三隻來自不同代嘅限定獸,以及屬於20週年新推出、屬於Legend-Arms嘅「ルドモン」。

另外復刻版超.數碼暴龍亦有初代復刻版嘅加速養成、同時養兩隻數碼暴龍、合體進化等新功能。另外新增嘅有「コピモン」功能,能透過連接將其他超.數碼暴龍,甚至初代數碼暴龍復製至自己部機,以「コピモン」形勢育成,但到對戰時就會回復原來面貌。

復刻版超.數碼暴龍機預計於今年6月發售,售價為3996Yen,即約280HKD。各位想重拾Chok機樂趣嘅「大細路」唔好錯過啦。
P-Bandai.jp
「亞洲玩具展」TOYSOUL 2018玩具相集巡禮 12月14日開始的一連三日「亞洲玩具展」TOYSOUL 2018 已經開幕左,場內人頭湧湧,大量玩具迷入場掃貨,得閒你可以去睇下,唔得閒都無計,我影少少給大家睇下,如果真 ...
hobby
「亞洲玩具展」TOYSOUL 2018 玩具相集巡禮
15 Dec 2018
美斯成功征服皮利斯個心!
hobby
皮利斯:「我曾與施丹及亨利做隊友,但美斯係與別不同的。」 ...
14 Dec 2018