{ SKIP }
文:MenClub 魏文青  
POSTED ON 13 Jan 2018
日本動漫影響力驚人,吸引來自世界各地無數愛好者。而隨住社會對於動漫嘅態度更加開放,動漫亦由單純嘅「娛樂」變成「收藏」嘅一種,其中各動漫嘅原畫(即由漫畫家親手繪畫、僅此一張嘅原作,又或動畫製作時所畫嘅透明膠片)更加成為有價有市嘅收藏品。但近日有日本議員就準備提出法案,成立「國立傳播藝術中心」,保存全日本所有「動漫材料」之外,更加禁止原畫流出海外。
由多個黨派成員組成嘅「漫畫、動畫、遊戲關注連盟」準備於今個月22日向日本國會提案,提出由政府出錢成立屬於國會圖書館旗下嘅「國立傳播藝術中心」,收集並保存日本所有「動漫材料」(包括原畫)。其原意係保存對日本有重大意義及價值嘅動漫材料,並吸引鍾意日本動漫嘅遊客畀錢入場,同時亦會提供新番情報等動漫資訊,但發起人亦不諱言地指樂見成立「藝術中心」後會阻止動漫材料「外流」。

各界對於成立「藝術中心」反應都頗大。首先日本京都其實已經有一個「國際漫畫博物館」做緊同類型嘅保存工作,再使用公帑成立「藝術中心」始乎冇必要,更有日本網民指此舉根本就即係成立一間「國立漫畫Cafe」。而動漫嘅本質就係面向群眾,因為有讀者畀錢先會繼續出現,將「動漫材料」收藏於博物館中似乎就有啲本末倒置。而對於一眾原畫銷售及收藏家而言,限制原畫出口影響就更加直接。
點都好,議案如無意外就會於22日向國會提出,如果最後通過,「藝術中心」將會於東京都內,秋葉原附近成立。
Jiji
隨住依家由大人到細路都電話不離手、又成日對住部電腦,越黎越多人嘅視力出現問題,甚至有唔少人已經去到唔戴眼鏡就咩都睇唔清嘅景況。對佢哋黎講,沖涼時要除低眼鏡係一件非常麻煩嘅事,但唔除又會整濕副眼鏡,又或 ...
hobby
【生活】日本推「風呂眼鏡」 防霧防燙大受好評
16 Apr 2025
迪士尼下部真人版電影《史迪仔》(Lilo Stitch)將於下月正式上映,目前業界非常睇好呢部作品嘅票房表現,預計在北美開畫頭三天即可突破一億美元票房。 iframe width="560" height="315" src="https://www.youtu ...
hobby
【影視】外媒預測真人版《史迪仔》開畫房票可破億美元!有望彌補《白雪公主》虧損?
16 Apr 2025