{ SKIP }
文:MenClub 波特先生  圖:互聯網
POSTED ON 15 Jan 2018

如果要數近期中國CBA最炙手可熱嘅人物,可能你會諗起易建聯等著名球員,不過如今最火熱嘅人物,並唔係任何一位球員,而係一名擦地工,佢個名叫孟飛,人稱「擦地哥」。

相信就算你無留意CBA嘅比賽,近日可能都有聽過「擦地哥」嘅大名,一位擦地擦到變紅人嘅普通人真係可以話係令人難以置信,但佢對工作全程投入嘅態度卻係令人非常佩服嘅一點。
現年23歲嘅孟飛,本身係一名軍人,退役後就去做CBA嘅義工,從而為成CBA專門擦地嘅工作人員之一。過去CBA擦地嘅工作人員一直都存在,咁究竟孟飛點解會被關注,從而成為人們口中嘅「擦地哥」呢?
孟飛有別於一般擦地人員嘅就係其對工作嘅投入程度,當需要擦地嘅時候,佢會以最高速飛奔甚至飛撲至適當位置,並以誇張得令人咋舌嘅速度將地上嘅汗水及雜物擦乾及清除,其後再以極速跑回自己等候嘅位置。喺訪問入面,「擦地哥」亦透露自己一季落黎,竟然可以因擦地而整爛10幾對護膝,你都咪話唔誇張。
而喺去年嘅CBA明星賽,孟飛為左一圓自己嘅夢想,毅然寫信比CBA官方自薦成為明星賽嘅擦地員,而因為其對工作嘅敬業精神,最終CBA官方亦願意比呢個機會佢。未來,孟飛嘅目標係成為NBA嘅擦地員,唔知佢又會唔會可以得到NBA嘅肯定呢?
最近外媒《Deadline》公布2024年最賺錢及最蝕錢荷里活電影排名,結果由迪士尼出品嘅《玩轉腦朋友2》、《魔海奇緣2》及《死侍與狼人》包攬前三名,而最蝕錢嘅電影就係口碑票房雙雙仆直嘅《小丑:雙瘋》,淨虧損達1.44 ...
hobby
【影視】外媒公布2024年最賺錢電影排名!迪士尼包攬前三名、《小丑2》蝕最多
02 May 2025
自從RDJ飾演嘅Iron Man、Chris Evans飾演嘅美國隊長、以及Scarlett Johansson飾演嘅黑寡婦等以各自嘅方式退場,「初代復仇者」中就僅餘Chris Hemsworth飾演嘅Thor、Mark Ruffalo飾演嘅The Hulk、以及Jeremy Renner飾 ...
hobby
【影視】直指迪士尼孤寒 「鷹眼」Jeremy Renner拒絕出演《鷹眼》第二季
02 May 2025