今次唔玩真人版《JOJO的奇妙冒險》第五部決定動畫化！

文：MenClub Mean娜　　圖：互聯網
POSTED ON 15 Jan 2018

之前已經聽過《JoJo的奇妙冒險》第四部——不滅鑽石會推出真人版嘅消息，嚇到唔少粉絲心都離埋，話晒畫風咁獨特嘅JOJO要拍成真人版的確好難重現佢嘅味道，仲話主角要由勁清新嘅山崎賢人演添！大佬，東方仗助點睇都唔係咁Fresh啦，好難接受喎！接受唔到？唔怕！唔睇《JoJo的奇妙冒險》第四部——不滅鑽石真人版，都仲可以睇《JOJO的奇妙冒險》第五部——黃金之風！皆因集英社將會喺2018-2019年期間將《JOJO的奇妙冒險》第五部動畫化呀！

其實集英社喺2017年12月20日已經提交咗《黃金之風》嘅商標申請，到今年在1月9日終於正式通過審核，可以推出《JOJO的奇妙冒險：黃金之風》動畫，不過目前除咗確定《黃金之風》動畫化之外，其他消息一律都未知，粉絲們想知更多要耐心等候呀！