【100秒20格】美斯又再挑戰日本遊戲節目！

文：MenClub 波特先生　　圖：互聯網
POSTED ON 24 Jan 2018

日本遊戲節目出名好玩及創新，而佢地亦會不時去邀請唔同嘅運動員接受挑戰，以往就曾邀請過「籃球之神」Michael Jordan、尼馬、美斯、中村俊輔等著名球員，而近日美斯又再次獲邀接受挑戰，而今次你估佢又成唔成功呢？

以往美斯曾多次獲日本遊戲節目邀請，接受唔同類型嘅足球挑戰，其中好似要射入巨型充氣守門員嘅龍門、長距離連續球不著地傳球、超高自傳控球等。



而黎到2018年1月，美斯又有機會獲邀參加日本嘅遊戲節目，今次佢係要接受100秒射破20格嘅挑戰。而喺第1次挑戰入面，美斯就已經成功完成遊戲，而時間則剩低7.77秒。其後，美斯接受第二次挑戰，而難度亦有所增加，就係四隻角要射個格將會更細，因此非常講求美斯嘅準繩度。最終，美斯只係用左82秒就完成今次嘅挑戰，比第一次仲要快上唔少，認真誇張！

美斯可以話係現役最出色嘅球員之一，個人技術堪稱達到頂峰，因此各項挑戰對於佢黎講都好似非常輕易，但實際上卻絕對唔係睇咁易的。